Спорт
ЛЕ: Арсенал со победа во Франкфурт, Лацио загуби во Романија (видео)
Арсенал стигна до убедлива 3:0 победа на гостувањето кај Ајнтрахт Франкфурт во првото коло од Лига Европа, додека Лацио по поразот во Серија А од СПАЛ доживеа уште еден „кикс“ губејќи со 2:1 на гостувањето кај ЦФР Клуж во Романија.
„Топчиите“ дојдоа во водство преку одбиениот удар на Џо Вилкок во 38. минута од мечот, а откако Ајнтрахт останаа со играч помалку по вториот жолт картон на Доминик Хор во 79. минута, успеаја уште двапати да ја затресат мрежата на домаќините – Букајо Сака во 85. минута и Пјер-Емерик Обамејанг во 88. минута.
Жалењето на Симоне Инзаги дека нивната група во Лига Европа наликува на група од Лигата на шампионите се оствари со незгоден пораз од 2:1 од Клуж, иако „лацијалите“ дојдоа во водство преку Бастос во 25. минута. Деач од пенал израмни на 1:1 пред крајот на полувремето, пред Омрани во 75. минута да ги постави конечните 2:1.
Севилја стигна до убедлива 3:0 победа на гости кај Карабаг со головите на Чичарито, Ел Хадади и Торес, додека Хетафе со 1:0 го победи Трабзонспор.
ЛИГА ЕВРОПА, 1.КОЛО
ГРУПА А
АПОЕЛ – Дуделанж 3:4
Карабаг – Севилја 0:3
ГРУПА Б
Динамо Киев – Малме 1:0
Копенхаген – Лугано 1:0
ГРУПА Ц
Базел – Краснодар 5:0
Хетафе – Трабзонспор 1:0
ГРУПА Д
ЛАСК Линц – Розенборг 1:0
ПСВ Ајндховен – Спортинг Лисабон 3:2
ГРУПА Е
ЦФР Клуж – Лацио 2:1
Рен – Селтик 1:1
ГРУПА Ф
Ајнтрахт Франкфурт – Арсенал 0:3
Стандард Лиеж – Гимараеш 2:0
АЈНТРАХТ – АРСЕНАЛ
ЦФР КЛУЖ – ЛАЦИО
КАРАБАГ – СЕВИЛЈА
ПСВ АЈНДХОВЕН – СПОРТИНГ
ДИНАМО КИЕВ – МАЛМЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.