Спорт
ЛЕ: Магичната атмосфера во Франкфурт недоволна за победа, Арсенал со пресврт против Валенсија (видео)
Ајнтрахт Франкфурт не успеа да направи предност во првиот меч од полуфиналето на Лига Европа, одигрувајќи 1:1 со Челси пред своите фантастични фанови, додека Александер Лаказет беше креаторот на пресврт за Арсенал со 3:1 да ја совлада Валенсија во второто полуфинале.
На „Комерцбанк-Арената“ имаше фантастична атмосфера од домашните навивачи, кои дури „корнеа“ столчиња од стадионот за да можат да стојат и навиваат. Лука Јовиќ, српскиот сензационален напаѓач во 23. минута им врати на навивачите со својот 26. гол оваа сезона во 23. минута од мечот, но ова не беше доволно за победа бидејќи ветеранот Педро во финишот на првото полувреме начека слободна топка во шестнаесетникот и израмни на 1:1.
Eintracht Frankfurt are very much up for this one. What a sight.pic.twitter.com/lrGXX6lqAp
— The Blizzard (@blzzrd) May 2, 2019
На „Емирати“ во Лондон пак, Арсенал, по мизерната домашна форма каде што имаат три порази едноподруго, ја пречека Валенсија и уште во 11-тата минута ги чекаше нов шок, откако Муктар Диахаби ги донесе гостите од Шпанија во водство.
Сепак, Александер Лаказет ја продолжи одличната голгетерска форма оваа сезона и со головите во 18. и 26. минута направи пресврт, пред Пјер-Емерик Обамејанг во 91. минута да зголеми на 3:1 за предност од два гола пред реваншот на „Месталја“ следната недела.
ЛИГА ЕВРОПА, 1/2 ФИНАЛЕ, ПРВ НАТПРЕВАР
Арсенал – Валенсија 3:1
Ајнтрахт Франкфурт – Челси 1:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…