Спорт
ЛЕ: „Малиот“ Хаџи стана херој на Ренџерс, победи за Арсенал и Рома (видео)
Фаворитите Рома и Арсенал имаа минимални победи во своите први мечеви од 1/16 финалето на Лига Европа, Вулверхемптон го прегази очајниот Еспањол, додека Глазгов Ренџерс во најинтересниот меч од негатива 0:2, стигна до 3:2 победа над Брага.
Рома на „Олимпико“ уште во 13. минута стигна до водство против белгискиот Гент, откако Един Џеко му асистираше на Карлес Перез, но потоа не успеаја да го зголемат водството против незгодниот противник.
Арсенал на Микел Артета пак, го чека помирен реванш, откако на „жешкото“ гостување кај Олимпијакос стигна до победа благодарение на Александер Лаказет, кој во 81. минута беше прецизен за 1:0 победа.
На „Ајброкс“ пак, беше одигран најинтересниот меч, откако Глазгов Ренџерс губеа со 0:2 по еден час игра од Брага, за на крајот да стигнат до 3:2 победа благодарение на синот на романската фудбалска легенда Георге Хаџи, Јанис, кој постигна два гола.
Тој инаку е во Шкотска како позајмен фудбалер од белгискиот Генк, а на трибините беше и неговиот славен татко кој со солзи во очите го проследи европското деби на неговиот син.
Вулверхемптон пак, го зголеми очајот на последнопласираниот тим во Шпанија, Еспањол, стигнувајќи до убедлива 4:0 победа на „Молињу“.
ЛИГА ЕВРОПА, 1/16 ФИНАЛЕ, 1.МЕЧ
АЗ Алкмар (Хол) – ЛАСК Линц (Авт) 1:1
АПОЕЛ (Кип) – Базел (Шва) 0:3
Рома (Ита) – Гент (Бел) 1:0
Баер Леверкузен (Гер) – Порто (Пор) 2:1
Олимпијакос (Грц) – Арсенал (Анг) 0:1
Ренџерс (Шко) – Брага (Пор) 3:2
Волфсбург (Гер) – Малме (Шве) 2:1
Вулверхемптон (Анг) – Еспањол (Шпа) 4:0
РЕНЏЕРС – БРАГА
ОЛИМПИЈАКОС – АРСЕНАЛ
РОМА – ГЕНТ
ВУЛВЕРХЕМПТОН – ЕСПАЊОЛ
БАЕР ЛЕВЕРКУЗЕН – ПОРТО
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ноер го урна рекордот на Касиљас во Лигата на шампионите
Баерн,во Минхен, го победи Арсенал со 1:0 и со вкупен резултат 3:2 се пласираше во полуфиналето на Лигата на шампионите. Возвратниот натпревар го реши голот на Џошуа Кимих во 64.минута. Баерн во полуфиналето ќе игра против Реал Мадрид.
Натпреварот на „Алијанц Арена“, го одбележа и рекордот на Мануел Ноер (38). За голманот на Баерн ова беше 58. натпревар во Лигата на шампионите на кој не примил гол, со што ја надмина легендата на Реал, Икер Касиљасс, трет на вечната листа е Италијанецот Џанлуиџи Буфон со 52 натпревари на кои не примил гол.
Ноер на тој начин стана рекордер на елитното европско клупско натпреварување.
Мануел Ноер во кариерата играше за Шалке и Баерн, а во клубот од Минхен е од 2011 година. Според податоците на „Трансфермаркт“, тој одиграл вкупно 513 натпревари за Баварците и со нив два пати ја освоил Лигата на шампионите, во 2013 и 2020 година.
Спорт
Роналдо го доби судскиот спор со Јувентус
Кристијано Роналдо (39) ја доби правната битка против Јувентус поради спорот околу платата. Јувентус ќе мора да му плати на Роналдо околу десет милиони евра плус камата. За потсетување, Португалецот побара од италијанскиот гигант да му исплати дури 19,9 милиони евра заостанати плати кои не ги добил за време на карантинот предизвикан од пандемијата на коронавирусот.
Јувентус двапати ги намали платите за време на кризата со корона. Прво во 2020 година им ги скрати платите на сите играчи подеднакво за да заштеди пари бидејќи немаше приход од билети и натпревари, а потоа во 2021 година управата разговараше со секој играч поединечно за намалување на платата.
Во тој момент Роналдо заработуваше 31 милион евра нето годишна плата и се согласи да ја одложи исплатата на речиси 20 милиони евра додека не заврши пандемијата. Јувентус никогаш не му ги платил тие пари, поради што тој го тужеше клубот.
Роналдо за Јувентус одигра 134 натпревари. Тој постигна 101 гол и забележа 22 асистенции во периодот 2018 – 2021 година.
Спорт
(Видео) Лунин го однесе Реал во полуфиналето – Европа ќе добие нов шампион
Реал Мадрид го елиминира европскиот првак Манчестер сити во четвртфиналето, во Лигата на шампионите. „Кралскиот клуб“, во Манчестер, го доби пенал рулетот со 4:3, откако во основниот дел и во дополнителните 30 минути натпреварот заврши 1:1. Херој на победата е голманот Луни кој во пенал серијата ги одбрани ударите на Бернардо Силва и Ковачиќ.
Четвртфиналниот реванш на „Етихад“ се движеше во еден смер. Сити напаѓаше во текот на целиот натпревар, Реал во најголемиот дел се бранеше во низок блок, на 20-25 метри од голот.
Намерата на Анчелоти беше јасна да се одбрани својот гол, а према напред да се бара шанса преку контранапади. И таквата определба му донесе гол од првата шанса. Во 12.минута Родриго од втора го совлада Едерсон.
Сити и покрај тоа што напаѓаше не успеа да створи многу чисти шанси. Во првиот дел најдобрата ја пропушти Халанд кога ја погоди гредата.
Притосокот на Сити вроди со плод во 76.минута, кога по ударот на Доку, Ридигер лошо реагираше, а одбиената топка во голот ја смести Де Брујне.
Реал во полуфиналето ќе игра против Баерн Минхен. Втората полуфинална двојка вчера ја формираа ПСЖ и Борусија Дортмунд.