Спорт
ЛЕ: Звезда и Динамо пред европска пролет, Милан никако против Лил
Милан одигра само 1:1 на гостувањето кај францускиот Лил, за да ја продолжи неизвесноста во групата Х во Лига Европа, каде што Спарта Прага го „демонтираше“ Селтик со 4:1.
Саму Кастилехо ги донесе „росонерите“ во водство во 46. минута, но Бамба во 65. минута со голот осигура Лил да остане на првото место на табелата со 8 поени, пред Милан со 7 и Спарта со 6 за неизвесни две последни кола во натпреварувањето.
Црвена звезда пак, е на чекорот од обезбедување на нокаут фазата, откако вторпат го победи белгискиот Гент, овојпат на гости со 2:0 со головите на Петровиќ и Милуновиќ. Хофенхајм има четири победи во четири меча, откако со 2:0 го победи Либерец, но Звезда е на второто место со 9 поени. Динамо Загреб исто така е на добар пат да обезбеди европска пролет по 3:0 победата на гости кај австрискиот Волфсбергер, за да се на првото место во групата Х со 8 поени, пред Феенорд со 5 и Волфсбергер со 4.
Во нокаут фазата сигурно се Арсенал, за кои контроверзниот Пепе се врати со гол за да помогне при 3:0 победата на гости кај Молде, нивна четврта победа во четири меча.
ЛИГА ЕВРОПА, 4.КОЛО
ГРУПА А
ЦСКА Софија – Јанг Бојс 0:1
ГРУПА Б
Молде – Арсенал 0:2
ГРУПА Г
АЕК – Зорја Луханск 0:3
Брага – Лестер 3:3
ГРУПА Х
Лил – Милан 1:1
Спарта Прага – Селтик 4:1
ГРУПА И
Макаби Тел Авив – Вилјареал 1:1
Карабаг – Сиваспор 2:3
ГРУПА Ј
ЛАСК Линц – Антверпен 0:2
ГРУПА К
ЦСКА Москва – Феенорд 0:0
Волфсбергер – Динамо Загреб 0:3
ГРУПА Л
Гент – Црвена звезда 0:2
Слован Либерец – Хофенхајм 0:2
ЛИЛ – МИЛАН
МОЛДЕ – АРСЕНАЛ
ГЕНТ – ЦРВЕНА ЗВЕЗДА
ВОЛФСБЕРГЕР – ДИНАМО ЗАГРЕБ
ЛИБЕРЕЦ – ХОФЕНХАЈМ
МАКАБИ ТЕЛ АВИВ – ВИЛЈАРЕАЛ
БРАГА – ЛЕСТЕР
СПАРТА – СЕЛТИК
ЦСКА МОСКВА – ФЕЕНОРД
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.