Спорт
Леброн е првиот активен НБА кошаркар кој стана милијардер!

Леброн Џејмс има уште една „титула“ во својата колекција – стана милијардер. Според магазинот „Форбс“, ѕвездата на Лос Анџелес лејкерс вреди 1 милијарда долари, со што тој станува првиот активен НБА кошаркар со ваков статус.
Легендарниот Мајкл Џордан, кој има намалено богатство на 1.7 милијарди долари, стана милијардер 11 години откако се пензионираше. Според „Форбс“, Леброн заработил 121.2 милиони долари минатата година, сума која ја надмина само Лионел Меси меѓу спортистите со 130 милиони долари.
И покрај тоа што заработи на 400 милиони долари во плати во својата НБА кариера со Лејкерси, Кливленд и Мајами, главната заработувачка на 37-годишниот Џејмс е од реклами и бизнис инвестиции – над 900 милиони долари.
Тука се вклучени неговата компанија „Спрингхил“, која го направи продолжението на „Спејс џем“, но и 1 отсто во Фенвеј спортс групацијата, која го поседува Ливерпул, Бостон ред сокс и Питсбург пенгвинс во НХЛ лигата. Џејмс исто така има 10 отсто од акциите во „Блејз“ пицериите. Тој има недвижнини во вредност од 80 милиони долари – 10 милиони долари за куќа во родниот град Акрон, Охајо и два дома во Лос Анџелес вредни 60 милиони долари.
На теренот, тој има четири НБА прстени, четири МВП награди и освои две олимписки златни медали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Легендата на Рома стана градоначалник на Верона

Поранешниот играч за врска на италијанската репрезентација и долгогодишен фудбалер на Рома, Дамијано Томази, стана градоначалник на Верона. На изборите за градоначалник тој го победи актуелниот Федерико Сбоарину, адвокат, кој е на таа функција од 2017 година.
Томази претходно беше претседател на Здружението на италијанските фудбалери. Кариерата ја почна во Верона, каде што преку младински погон стигна до првиот тим. Тој остави најдлабока трага играјќи за Рома.
Беше член на римскиот клуб од 1996 до 2006 година, а во сезоната 2000/2001 со „волчицата“ ја освои шампионската титула во Италија.
Спорт
Борко Ристовски ќе биде тренер на голманите на РК Вардар

Првиот човек на РК Вардар, Михајло Михајловски, на денешната прес-конференција го објави и составот за следната сезона. Борко Ристовски ќе ја заврши кариерата и ќе биде тренер на голманите, а доколку има потреба ќе им помогне на соиграчите.
Владо Недановски ќе треба да седне на клупата, со оглед дека многу извесно е заминувањето на Давид Дејвис, по одлуката на ЕХФ дека Вардар нема да игра во Лигата на шампионите. Него ќе му помага Столе Петрушевски.
СОСТАВ НА ВАРДАР 2022/23
Голмани: Томовски, Гогов, тренер на голманите Борко Ристовски
Десни крила: Георгиевски, Ќосевски и Џукиќ
Десни бекови: Моралес, Савревски
Среден бек: Карапалевски, Додиќ (ако му дозволи Кјелце), Анте Гаџа
Леви бекови: Талески и Мишевски.
Леви крила: Дибиров (?). македонско лево крило
Пивоти: Стоилов, Атанасовски и Лазаревски
Тренер: Недановски/Петрушевски
Спорт
Стоилов: ЕХФ бездушно не казни, но Вардар и ова ќе го преживее

Двојниот европски првак Вардар и носител на двојната круна во Македонија нема да игра во Лигата на шампионите. Капитенот Стојанче Стоилов, кој е секогаш искрен, не крие дека е тешко, но вели дека Вардар ќе се бори и бара Михајло Михајловски да остане во клубот се додека не се најде друг стабилен спонзор.
„Многу сум разочаран од одлуката на ЕХФ, не се свесни каква е ситуацијата кај нас во клубот, можам да кажам дека бездушно не казнија, сега кога долговите беа на крај. Се надевам дека Михајло ќе остане со нас, мислам дека не е време да се тргне зошто Вардар уште не е спасен. Бев сведок на ветувања дека Вардар ќе биде помогнат, а во меѓувреме дојдоа и пандемии, војна…Сега сме вратени неколку чекори назад, но голем дел од играчите ќе останат и Вардар повторно ќе се бори за титулите. Секако, имаме голема конкуренција во Еурофарм Пелистер, кој е голем ривал и ние го респектираме“, изјави Стојанче Стоилов.
Тренер на РК Вардар идната сезона треба да биде Владо Недановски, доколку Давид Дејвис реши да замине поради новонастаната ситуација.