УЕФА потврди дека фудбалерот на Славија Прага, Ондреј Кудела доби суспензија од 10 меча за расистички навреди кон фудбалерот на Глазгов Ренџерс, Глен Камара, кој пак заслужи казна од три меча за тепачката во текот на бурниот меч на „Ајброкс“ во март.

Камара, финскиот репрезентативец, е обвинет дека го нападнал Кудела во тунелот по мечот кој Славија го доби и го елиминираше шкотскиот шампион. Напаѓачот на Ренџерс, Кемар Руф доби четири меча суспензија за ударот со нога во глава на голманот Ондреј Колар (кој доби скршен череп), додека Ренџерс се казнети со 9.000 евра бидејќи не ги контролирале своите фудбалери.

Кудела, преку своите адвокати објави дека е изненаден од одлуката и дека се работи за „валкани обвинувања“, иако призна дека го пцуел фудбалерот.

You have serious racism issues. Clearly Zunga hears what is said as he is looking straight at Kudela and Kamara and clearly speaks to the ref and points at Kudela. Seriously stop lying just to defend racism. You’re starting to look like a fool now. pic.twitter.com/lqsYtYa6wP

— Bukayo MarTiernelli (@NorthBankStar) April 9, 2021

Нејмар тврди дека немал намера да го „провоцира“ Џошуа Кимих по вчерашниот натпревар помеѓу ПСЖ и Баерн Минхен, но дека „судбината“ така сакала, откако дел од фановите сметаа дека прославата беше потценувачка.

ПСЖ загуби со 0:1 дома, но влезе во полуфиналето на ЛШ по 3:2 победата во Минхен, а во интересниот момент по крајот на мечот, Нејмар и Лео Паредес славеа пред Кимих во негов стил.

„Прославата не беше обид да се провоцира Кимих, но го видов Лео и сакав да прославам со него. Судбината сакаше да го направиме тоа пред Кимих, кој претходно изјави дека неговиот тим е најдобар и дека сигурно се во полуфинале. Но, можете да ја имате топка цела вечер. Можеш да флертуваш со девојката цела вечер, а потоа некој друг да ја однесе дома по пет минути“, објасни Нејмар за „Л’Екип“.

Neymar and Parades really did Kimmich’s signature celebration in front of him 😭pic.twitter.com/ABMbeb4T2S

— Tinka 🔴 (@UtdCode) April 13, 2021

ICI C’EST PARIS MON AMI @LParedss pic.twitter.com/aBIVnFtM7d

— Neymar Jr (@neymarjr) April 13, 2021

Сержо Консеисао, тренерот на Порто го обвини својот колега, Томас Тухел дека синоќа по завршувањето на реванш четвртфиналниот дуел од ЛШ меѓу Челси и Порто го пцуел на англиски јазик.

Порто на неутрален терен во Севилја славеше со 1-0, но испадна затоа што претходно загуби со 2-0 на својот „Драгао“.
Консеисао беше видно нерасположен по дуелот, и тврди дека Тухел му рекол „оде.и“ по вербалниот судир.

И дефанзивецот Пепе влезе во дуел со Тухел, па еден од обезбедувачите на мечот ги раздвојуваше.

Консеисао порача:

„Ме навередуваше. Мојот англиски не е совршен, но нема потреба да зборувам за тоа. Немам поим зошто ме нападна. Не разбрав се баш најдобро, чув само некои навреди, но сега тоа е минато“ рече Консеисао.

Тухел се обиде да ја „ублажи“ работата:

„Беше тоа мала расправија меѓу мене и нивниот тренер, се се случи изненадувачки. Нема проблеми“.