Спорт
Лестер го потврди Брендан Роџерс како нов менаџер
Лестер сити потврди дека Брендан Роџерс е нивниот нов менаџер со договор до јуни 2022 година. Роџерс доаѓа од шкотскиот шампион Селтик, а претходно работеше и како тренер на Ливерпул.
Клод Пуел доби отказ во неделата по 1:4 поразот од Кристал палас, а во вторникот од Селтик признаа дека му дале дозвола да замине во Лестер на преговори.
„Привилегија е да се работи како менаџер на Лестер сити и ќе го дадам мојот живот да ги направам навивачите горди на нивниот клуб. Заедно ќе бидеме посилни и ќе направиме чекор напред“, изјави Роџерс.
46-годишниот Роџерс претходно работеше со Свонси сити и Ливерпул, каде што за малку му избега титулата во 2013/14. Роџерс освои седум трофеи со Селтик, оставајќи го тимот од Глазгов на чекор од трета последователна домашна тројна титула.
Роџерс вечерва ќе биде во публиката на „Кинг пауер стадионот“ за мечот со Брајтон, а првпат на клупата ќе биде во недела против Ватфорд. Лестер се на 12. место во Премиер лигата.
Brendan Rodgers will be at King Power Stadium for tonight’s Premier League visit of Brighton. He will take charge of the squad for the first time ahead of Sunday’s trip to Watford. #WelcomeBrendan pic.twitter.com/nFoiN81FLs
— Leicester City (@LCFC) February 26, 2019
— Leicester City (@LCFC) February 26, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.