Спорт
„Летечкиот Финец“ ги остави скиите, негова прва љубов се мотоциклите
Големите спортски ѕвезди по завршувањето на кариерата одлучуваат да се занимаваат со тренерска работа или да се одморат од спортот. Но, има и такви кои по завршувањето на спортската кариера се одлучуваат за сосема поинаков начин на живот.
Бестрашниот „летечки Финец“ Јане Ахонен љубителите на ски-скоковите го паметат по неверојатните победи, а по завршувањето на кариерата тој го изненади светот бидејќи почнал да работи во салон каде што продава и поправа автомобили и мотори.
Сега отиде и чекор понатаму.
Јане Ахонен доби нов предизвик и ќе работи во музејот за мотоцикли во Лахти. Ахонен се грижи за моторите изложени во музејот, а работата ја прифатил без многу размислување.
„Јане ќе биде мојата десна рака. Тој има деловно искуство во многу различни сектори. И не мислам дека е недостаток што Јане е позната личност како што многумина мислат. Тоа беше дури и добра причина да го вработам”, изјави еден од водечките луѓе во музејот Рику Руто во Лахти.
Со доаѓањето на Ахонен музејот доби сосема нов изглед, а според Роут, Јане знае да остане и подолго од предвиденото работно време за се да биде на своето место. Тој покажува извонредна љубов кон моторите.
Ахонен ги одби тренерските позиции во финскиот тим во ски-скокови. Тој целосно се оддалечи од зимските спортови и како коментатор, а сега ужива во својата прва љубов, а тоа се автомобилите и моторите.
Во текот на својата кариера, легендарниот Финец освои два олимписки сребрени медали, пет светски шампионски титули, дури пет пати триумфираше на турнејата „Четири скокалници“ и двапати го освои Кристалниот глобус за севкупен победник на Светскиот куп.
Инаку, Ахонен е и рекордер по бројот на подиуми во Светскиот куп, освои вкупно 108, а многумина изненади со новиот начин на живот. Одби повисоки плати, подобри позиции за да може да ужива во животот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.