Спорт

Лева утна пенал, но Баерн избега на +10 во Германија!

Објавено пред

3 недели

- 5 февруари, 2021

Од

Роберт Левандовски не успеа да го повтори претходниот меч против Херта, кога им даде четири гола, откако на гостувањето во Берлин утна пенал, но неговиот тим стигна до 1:0 победа со која пред комплетното 20. коло во Бундеслигата се одвои на 10 поени пред РБ Лајпциг на табелата.

Во снежна атмосфера, Баерн доби шанса за водство уште во 11. минута, кога голманот на Херта, Руне Јарстеин имаше несмасна реакција пред Лирој Сане, а Левандовски доби чест да ја продолжи својата голгетерска серија. Меѓутоа, Јарстеин убаво го прочита Полјакот и му ја фати топката.

Само девет минути подоцна, Кингсли Коман со малку помош на дефанзивците на Херта ги донесе Баварците во водство, кое го заддржаа до крајот на мечот. Баерн сега имаат 48 поени на врвот на табелата пред Лајпциг со 38, додека Херта се само 17-ти со 17 поени, исто колку што има и 18-пласираната Арминија Билефелд.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Фенер ја продолжи низата на девет победи во Евролигата

Претходно

Лапорта: Меси има понуди од клубови поддржани од држави и олигарси

Спорт

Почина голманот на Порто Алфредо Кинтана

Објавено пред

1 час

- 26 февруари, 2021

Од

TopSport.mk

Ракометниот клуб Порто, објави дека од последиците на срцевиот удар, починал 32-годишниот голман, Алфредо Кинтана.

Голманот, во понеделникот, за време на тренингот, доживеал инфаркт. Поради сериозноста на ситуацијата тој бил ставен во вештачка кома. За жал неговото срце не издржа и тој почина во петкот, во болницата „Сао Жоао“.

„Никогаш не очекувавме дека ќе објавиме ваква порака, нашиот драг Алфредо Кинтана не напушти денеска. Засекогаш ќе го паметиме како еден од нас. Вистински змеј. Почивај во мир“, објави клубот на социјалните мрежи.

Квинтана е роден на Куба, но бил и португалски државјанин десет години, забележал над 70 настапи за португалската репрезентација.

Прикажи повеќе...

Спорт

Лазаров го скрати списокот за дуелите со Данска

Објавено пред

2 часа

- 26 февруари, 2021

Од

TopSport.mk

Селекторот на ракометната репрезентација на македонија, Кирил Лазаров, го објави конечниот на играчи за претстојниот квалификациски дво-меч со светскиот првак Данска, во рамките на квалификациите за пласман на Европското првенство.

Првиот натпревар против Данска, Македонија ќе го во СЦ “Борис Трајковски” на 11.март во 20 часот, три дена подоцна, со почеток во 16 часот, ќе се одигра дуелот во Алборг.

На спискот на селекторот се наоѓа и Филип Миркуловски, кој како и Лазаров ќе има двојна улога, тој ќе биде играч и помошник на селекторот.

Прикажи повеќе...

Спорт

Адеми и Ристовски против Тотенхем, Манчестер јунајтед ќе се соочат со Милан

Објавено пред

3 часа

- 26 февруари, 2021

Од

TopSport.mk

УЕФА, во своето седиште во Нион, попладнево ги одреди двојките за осмина-финалето, во Лига Европа. Несомнено дека дерби на оваа фаза е пресметката на поранешните европски шампиони Манчестер јунајтед и Милан. Динамо Загреб, во чии редови играат македонските репрезентативци Аријан Адеми и Стефан Ристовски, за противник го доби Тотенхем.

Ждрешката во Нион реши Паоло Фонсека да ја предводи Рома против својот поранешен клуб Шахјтјор и овозможи реприза на осмина-финалето од минатата сезона, кога Олимпијакос во два драматични натпревари го елиминираше Арсенал.

Осмина-финални двојки во Лига Европа:

Ајакс-Јанг Бојс
Динамо Киев-Виљареал
Рома-Шахтјор
Олимпијакос-Арсенал
Динамо Загреб-Тотенхем
Манчестер јунајтед-Милан
Славија Прага-Глазгов Ренџерс
Гранада-Молде

Натпреварите од оваа фаза во Лига Европа на распоредот ќе бидат на 11 и 18.март.

Прикажи повеќе...