Спорт
Левандовски: Навистина размислував за трансфер во Манчестер јунајтед
Ѕвездата на Баерн Минхен, Роберт Левандовски открива дека неговиот фудбалски живот би бил сосема поинаков откако по добиен телефонски повик од Сер Алекс Фергусон, сериозно размислувал за трансфер во Манчестер јунајтед.
Полскиот голгетер повикот го добил во 2012 година, кога имаше само 23 години и постигна 30 голови во сите натпреварувања во втората сезона со Борусија Дортмунд. Сега, тој открива дека поради повикот од Фергусон сериозно размислувал за трансфер, но дека во Дортмунд не го дозволиле тоа.
„Зборував со Фергусон по две сезони во Дортмунд и навистина размислував за трансфер таму. Зошто? Поради Фергусон и поради Манчестер јунајтед. Но, од Борусија кажаа: ’Не, тоа е тоа’. Тоа беше првпат да размислувам за трансфер, и навистина беше прекрасно за млад фудбалер да добие повик од Фергусон. Тоа останува посебен ден за мене“, вели Левандовски во интервју за „Гардијан“.
Левандовски две години подоцна си замина од Борусија за трансфер во Баерн, заминувајќи од покровителството на Јирген Клоп за да работи со Пеп Гвардиола и вели дека тие двајца заедно би биле „совршен тренер“.
„Во Дортмунд се обложувавме дека ако постигнам 10 гола на тренинг, Клоп ќе ми дадеше 50. По три месеци, секој тренинг давав околу 10, и тој одеднаш ми кажа дека станува прескапо и дека нема да ми плаќа повеќе. Тоа беше навистина мотивирачки. Од Пеп научив многу за тактиката и за фудбалот. Двајцата се многу различни, а ако има некоја мешавина од нив тоа би било совршено“, додава Лева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мега-трансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.
Спорт
Баер Леверкузен заинтересиран за фудбалер на Реал Мадрид
Баер Леверкузен има фантастична сезона. Избраниците на тренерот Чаби Алонсо ја освоија Бундеслигата и ставија крај на 11-годишната доминација на Баерн, тие се пласираа во финалето на германскиот куп, противник ќе им биде Кајзерслаутерн, а во Лига Европа, во полуфиналето за противник ја добија Рома.
Логично дека постои голем интерес за фудбалерите, кои под водство на Чаби Алонсо немаат пораз на 44 натпревари во сите конкуренции. Тоа значи дека во клубот веќе работат на потенцијалните засилувања.
„Билд“, пишува дека Баер е заинтересиран за Рафа Марин (21), шпански дефанзивец и репрезентативец до 21 година, кој е под договор со Реал Мадрид и оваа сезона е на позајмица во Алавес.
Марин, ги помина сите младински категории на Реал, додека оваа сезона забележа 31 настап како првиот тим на Алавес.
Пјеро Хинкапи и Џонатан Тах се дефанзивци без кои Алонсо би можел да остане и од чија продажба Баер би можел да заработи пари. Од друга страна, за Марин, клубот ќе треба да му плати обесштетување на Реал, бидејќи тој има валиден договор до летото 2026 година.
„Трансфермаркт“, неговата вредност ја проценува на пет милиони евра.