Челси се подготвени да го срушат сопствениот рекорд за висина на еден трансфер за на „Стемфорд бриџ“ да го донесат норвешкото чудо Ерлинг Халанд од Борусија Дортмунд, тврди „Атлетик“.

Иако Роман Абрамович потроши над 250 милиони фунти во текот на летниот преоден рок со што Френк Лампард ги доби Каи Хаверц, Тимо Вернер, Бен Чилвел, Тијаго Силва и Хаким Зијеш, резултатите не се најдобри, и сега тие се во потрага на врвен напаѓач, каков што несомнено е Халанд.

20-годишниот Халанд постигна 19 гола во 17 меча за Борусија Дортмунд оваа сезона, продолжувајќи ја сенационалната форма од 2019/20, кога стана хит со настапите за Ред бул Салцбург и Челси се подготвени да го срушат рекордот од 80 милиони фунти кој го платија за Хаверц.

Халанд е под договор со бундеслигашот до 2024, но се верува дека има клаузула за раскин на договорот од 66 милиони фунти која се активира на крајот на сезоната 2021/22. Со таа цена, тој несомнено ќе биде мета на повеќе големи европски клубови и Роман Абрамович е подготвен да финансира уште еден трансфер веќе ова лето со понуда која Дортмунд нема да ја одбие.

Спортскиот директор на ПСЖ, Леонардо, рекол дека клубот внимателно следи како се развива ситуацијата околу заминувањето на Лионел Меси од Барселона. Меси, во летниот преоден рок, сакаше да ја напушти Барселона, на крајот остана на „Ноу Камп“ откаде ќе може да замине како слободен играч по завршувањето на сезоната.

Од моментот кога Меси побара трансфер траат шпекулациите каде би можел да ја продолжи кариерата. Аргентинецот најчесто се поврзува со Манчестер сити и ПСЖ. Овие два клуба се единствените што можат да ги исполнат неговите финансиски барања.

„Играчи каков што е Меси секогаш се на листата на желби на ПСЖ. Сега не е време да зборуваме на оваа тема, но ние седиме на масата на која се следи тој случај. Вистината е дека се уште не сме седнале на масата, но имаме резервирано место. У во фудбалот четири месеци се вистинска вечност“, рекол Леонардо.

Бобан Николов, репрезентативец на Македонија, кариерата ќе ја продолжи во Италија. Николов, во текот на денот, треба да ги мине лекарските прегледи во Лече, а потоа и да потпише договор со овој тим.

Николов, од 2018 година играше во тимот на Фехервар, претходно кариерата ка градеше во Виторул од Констанца и Вардар.

Играчот од редот за врска ќе треба да му помогне на Лече, експресно да се врати во Серија А.

Лече, по 18 натпревари во Серија Б, се наоѓа на петтото место на табелата со 29 бода, осум помалку од водечкиот Емполи.

Николов ќе биде второто засилување за Лече во зимскиот преоден рок. Тимот од југот на Италија, во неделата потпиша договор со Данецот од Адмира Вакер, Хјумланд Мортен.