Спорт
Липи: Уште не ми се верува дека Зидан го удри со глава Матераци (видео)
Поранешниот италијански селектор, Марчело Липи вели дека принудната изолација поради корона вирусот ја искористил да ги гледа натпреварите од Светското првенство во 2006 и финалето во кое Италија ја совлада Франција и повторно е шокиран од Зинедин Зидан и неговото удирање со глава на Марко Матераци.
Фудбалскиот тренерски џентлмен зборуваше за „Раи радио уно“ од неговиот дом во Вијареџо, каде што е во самоизолација.
„Ги изгледав сите натпревари од Светското првенство во 2006 и потоа сите финалиња во кои бев тренер. Имав доста, некои несреќни, но самото финале е голем успех во кариерата. Поразот поради кој имам горчлив вкус во устата беше финалето на ЛШ во 2003 кога загубивме на пенали од Милан. СП 2006? Бев шокиран од однесувањето на Зидан. Работев со него во Јувентус и знам за каква неверојатна личност се работи, навистина скромна и интелигентна“, вели Липи.
Тоа финале заврши 1:1 по продолженијата, по што Италијанците ги постигнаа сите пет обиди од белата точка, со Фабио Гросо како последен стрелец.
„Го изгледав тој меч 20 пати и секојпат сум емотивен. Го избрав Гросо за последен на пеналите бидејќи најдобрите стрелци на пенали беа пред него, а се потсетив дек Гросо даде пенал против Австралија и даде гол против Германија. Му кажав: ’Ти си мојот човек за последна минута, затоа за тебе ќе биде последниот пенал’. Не му се веруваше“, додава Липи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.