Спорт
Листата на „442“ поради која збесна Тибо Куртоа
Реал Мадрид, во саботата, го победи Ливерпул (1:0) и ја освој 14.титула во Купот/Лигата на шампионите. Апсолутен херој на натпреварот беше голманот, Тибо Куртоа. Белгиецот ги запре сите обиди на Мохамед Салах и неговите соиграчи, натпреварот го заврши со девет одбрани.
Куртоа одигра една неверојатна сезона, само во Лигата на шампионите имаше речиси ист број на одбрани, колку што имаше во целата сезона во Премиер лигата, Едерсон од Манчестер сити.
Сепак неговото влијание во резултатите на Реал беше сериозно потценет во јавноста, поради што по завршувањето на финалето во Париз и одржа лекција на некои новинари.
„За мојата кариера беше важно да ја освојам Лигата на шампионите, мислам дека не ме почитуваат доволно. Особено во Англија. Видов многу критики дека не сум доволно добар…“, изјави Тибо Куртоа, „БТ Спорт“.
Причината поради која Куртоа збесна, а за која зборуваше и на прес-конференцијата пред натпреварот е списокот што го објави познатиот фудбалски весник „442“ од Англија.
Тие во март објавија листа на најдобри светски голмани, а верувале или не – Куртоа не се најде ниту меѓу првите десет.
На прво место на таа листа е Едуард Менди од Челзи, потоа следуваат Де Хеа (Јунајтед), Нојер (Баерн), Едерсон (Сити), Алисон (Ливерпул), Рамсдејл (Арсенал), Хозе Са (Волци), Симон (Билбао), Боно (Севиља) и Облак (Атлетик Мадрид).
Забележливо е дека доминираат голмани од Премиер лигата, па дури и голманот на Вулверхемптон е пред Куртоа. Интересно наа списокот нема голман од Италија.
Куртоа оваа сезона прими 46 гола на 51 натпревар, на 22 натпревари не прими гол.
Okay yeah I see why Courtois was pissed pic.twitter.com/iEEi4DugWZ
— Michael Hincks (@MichaelHincks) May 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.