Спорт
Ливерпул на славеничка парада по помалку од 24 часа од поразот во финалето на ЛШ!
Навивачите на ривалските клубови на Ливерпул се потсмеваа со англискиот клуб, откако денеска беше организирана парада со автобус со отворен покрив на улиците на градот, помалку од 24 часа по болниот 1:0 пораз од Реал Мадрид во финалето на Лигата на шампионите.
„Црвените“ во автобусот ги имаа двата трофеи кои тимот на Јирген Клоп ги освои оваа сезона, ФА купот и Карабао (Лига) купот, а на автобусот беше и женскиот тим кој ја прослави лигашката титула и влегувањето во првата лига.
Liverpool fans are unreal. Lost the Champions League last night and the turn out for the parade is as great as ever. This solid fanbase is what makes Liverpool Football Club very special.
Proud to be a Red too ❤️ pic.twitter.com/p4wc9J1Zb5
— ? ꜱᴀʀᴀ ? (@sara_redss) May 29, 2022
Liverpool fans at the parade ?pic.twitter.com/LU4m2Oru9K
— Anything Liverpool (@AnythingLFC_) May 29, 2022
Incredible scenes in Liverpool for the trophy parade ? pic.twitter.com/UyaqQSBvpK
— Liverpool FC News (@LivEchoLFC) May 29, 2022
Liverpool try to get over their European heartache as Jurgen Klopp's side parade their FA Cup and Carabao Cup trophies around the city https://t.co/6gG4oE6Oub pic.twitter.com/TQEeTSOm4T
— MailOnline Sport (@MailSport) May 29, 2022
Sadio Mane during Liverpool's trophy parade, celebrating the FA and Carabao Cup ?
Bittersweet. pic.twitter.com/sUS1G1qAL4
— ESPN FC (@ESPNFC) May 29, 2022
Liverpool Women are celebrating their league win and promotion as part of today's parade ?? pic.twitter.com/v9WCuublEq
— Liverpool FC News (@LivEchoLFC) May 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.