Спорт
Ливерпул со Карабао купот по лудата пенал-серија, Кепа трагичар на Челси
Кепа Аризабалага требаше да биде „адут“ на Томас Тухел во финалето на Англискиот лига куп, внесувајќи го во игра посебно за пеналите против Ливерпул, но по маратонската пенал-серија од 11 серии, токму шпанскиот голман беше трагичар, и тоа во улога на изведувач на пенал, кога го упати својот удар високо над голот.
Ливерпул беше тимот кој имаше повеќе од иницијативата во регуларните 90 минути, и неколку пати на вистинско место беше Едуар Менди, спасувајќи ги од сигурен гол, а Ливерпул имаа и поништен гол на Жоел Матип откако Виргил ван Дајк направи фаул во текот на акцијата.
Пред продолженијата, Тухел реши да му даде шанса и на Ромелу Лукаку, откако го остави на клупата на стартот на мечот и тој одговори со гол кој беше поништен поради офсајд. Малку подоцна и голот на Каи Хаверц беше поништен исто така поради офсајд, по што мечот се одлучуваше на пенали, а Тухел го извади Менди и го постави Кепа Аризабалага во игра.
По ова следуваше неверојатната пенал серија, во која сите фудбалери успешно ги изведоа своите обиди, за во 11-тата рунда да дојде време на голманите. Ирскиот чувар на мрежата на Ливерпул, Куивин Келехер беше успешен, по што Кепа имаше големо промашување за славје на „црвените“.
It’s the commentary for me..BALAGAAA??? Kepa thought he was playing a goal kick???#CHELIV pic.twitter.com/ALAICU15A8
— Nabeeel⚡️ (@Nabeel_umarr) February 27, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.