Лидс јунајтед успеа да го поебди лидерот Манчестер сити, на „Етихад“ со 2:1. Македонскиот репрезентативец Алиоски, го одигра целиот натпревар, доби жолт картон во 66.минута, а во 91.минута му асистираше на Далас, кој го постигна голот за победа.

Лидс јунајтед храбро му се спротивставија на фаворизираниот противник. Први постигнаа гол преку Далас во 42.минута, а потоа успеаја да се одбранат од нападите на Сити со играч помалку. Капитенот Купер, поради невнимателн старт доби црвен картон во 45.минута.

Сити, константно притискаа во вториот дел, надмоќта ја материјализираа во 75.минута, кога Феран Торес успеа да израмни на 1:1.

Лидс во вториот дел чекаше можност да нападне од контра и го дочека тој момент во 91.минута. Алиоски со додавање од 30 метри, го спои со голот Далас, кој топката низ нозете на Едерсон ја испрати топката во мрежата.

Сити и покрај поразот, трет за нив на домашен терен обаа сезона, има голема предност на врвот. Лидс се деветти со 45 поени.



Поранешниот македонски репрезентативец, Адис Јаховиќ, го предводеше Гезтепе до гостинска победа (3:2) во Хатај, над екипата на Хатајспор.

Јаховиќ, ги постигна сите голови за Гестепе. Најпрвин му овозможи предност на својот тим од 2:0, по првиот дел, а откако Диуф го намали резултатот во 64.минута, Јаховиќ во 78.минута го комплетираше хет-трикот, со што стави точка на победата на Гестепе. Диуф во 90.минута ги постави конечните 2:3.

Гезтепе, по 33 .кола во турската Суперлига, со 46 поени се наоѓа на деветтото место.

Менаџерот на Тотенхем, Жозе Мурињо, во најавата на дербито со Манчестер јунајтед, порачал дека не го подржува мислењето на Оле Гунар Солскјер, дека трофеите не се показател за успехот.

Манчестер јунајтед последниот трофеј го освоиле кога менеаџер беше Мурињо, во 2017 година „црвените ѓаволи“, славеа во Лига Европа.

Солскјер рекол дека напредокот што го покажува неговиот тим оваа сезона, не може да се оценува преку трофеите. Смета дека опседнатоста со трофеите, на одредени тренери, е работа на „големото его“.

„Тоа е негово мислење. Сигурен сум дека неговиот голем шеф сер Алекс Фергусон поинаку размислува на оваа тема. Убеден сум дека Фергусон, како најдобар менаџер во историјата на Премиер лигата, има поинакво мислење во врска со трофеите. Секако дека го почитувам ставот на Солскјер, моето мислење е поинакво…“, рекол Мурињо.

Тотенхем ќе го пречека Манчестер јунајтед, утре од 17.30 часот. Во првиот дел од сезоната, екипата на Мурињо го победи Јунајтед со 6:1.