Спорт
ЛШ: Барса преку Јуве, три поништени гола на Мората, Јунајтед се „распука“!
Барселона стигна до 2:0 победа во дербито на второто коло од Лигата на шампионите, триумфирајќи на гости кај Јувентус, кои беа без Кристијано Роналдо, а во исто време Алваро Мората немаше среќа со офсајд ситуациите.
Со оваа победа, Роналд Куман малку го крева притисокот по поразот во „Ел класико“, додека за Андреа Пирло ова е уште една сопка на стартот на неговата тренерска кариера.
Во другите мечеви, Манчестер јунајтед го „здроби“ Лајпциг со 5:0, „десеткуваниот“ Лацио одигра 1:1 на гости кај Клуб Бриж, а минимални победи обезбедија Борусија Дортмунд (2:0 со Зенит) и Севилја (1:0 со Рен).
Барса дојде во водство уште во 14-тата минута, кога Усман Дембеле доби фантастична топка од Лео Меси, и од работ на шестнаесетникот упати удар, кој се удри во Лео Бонучи и заврши во голот на Јуве. По ова, Мората двапати постигна гол во првото полувреме, но двапати му беше поништен поради ВАР, за тоа да му се повтори уште еднаш во второто полувреме. Мерих Демирал во 85. минута доби втор жолт картон, а Лео Меси во 91. минута со гол од пенал ја потврди победата.
Манчестер јунајтед, првпат со Дони ван де Бек како стартер и со Бруно Фернандеш на клупата, стигна до 4:0 победа над Лајпциг. Мејсон Гринвуд во првото полувреме постигна гол на „раб“ на офсајд, за во второто полувреме, Маркус Рашфорд да има хет-трик, а и Антони Марсијал даде гол од пенал. Ова е втора победа за „ѓаволите“ по импресивниот 2:1 триумф кај ПСЖ.
ЛИГА НА ШАМПИОНИ, 2.КОЛО
ГРУПА Е
Краснодар – Челси 0:4
Севилја – Рен 1:0
ГРУПА Ф
Борусија Дортмунд – Зенит Санкт Петерсбург 2:0
Клуб Бриж – Лацио 1:1
ГРУПА Г
Јувентус – Барселона 0:2
Ференцварош – Динамо Киев 2:2
ГРУПА Х
Башакшехир – Пари Сен-Жермен 0:2
Манчестер јунајтед – РБ Лајпциг 5:0
ЈУВЕНТУС – БАРСЕЛОНА
МАНЧЕСТЕР ЈУНАЈТЕД – РБ ЛАЈПЦИГ
БОРУСИЈА ДОРТМУНД – ЗЕНИТ
БРИЖ – ЛАЦИО
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баер Леверкузен ја одреди цената за Флоријан Вирц
Баер Леверкузен ја одреди цената за еден од своите најдобри играчи, Флоријан Вирц.
„Фармацевтите“, на пет кола до крајот и математички ја обезбедија првата титула во клупската историја. До крајот на сезоната ќе се борат за трофеите во Купот на Германија и Лига Европа.
Еден од најталентирани играчи во светот, Вирц, во досегашниот тек од сезоната има учинок од 17 гола и забележа 18 асистенции.
Интерес за неговите услуги покажале Реал Мадрид, Манчестер Сити, Ливерпул…
Сепак, во Леверкузен не размислуваат да се откажат од него. Доколку пак тоа се случи, клубот ќе ја наполни клупската каса од неговиот трансфер.
„Имаме двојно помал буџет од Дортмунд, и пет пати помал буџет од Баерн. Немаме толку моќни спонзори и јасно е дека мора да живееме од продажбата на фудбалери. Вирц е наш лидер на теренот, но се си има своја цена. Ако некој понуди 150 милиони евра или повеќе, можеме да разговараме“, изјави Фернандо Каро, извршен директор на Баер Леверкузен.
Спорт
Врие во Барселона, Чави го откажал денешниот тренинг
Тренерот на Барселона Чави Ернандез го откажал денешниот тренинг. Шпанските медиуми пишуваат дека елиминацијата од ПСЖ во четвртфиналето на Лигата на шампионите предизвикала сериозни потреси во клубот.
На тренингот се појавиле само капитенот Серхио Роберто, Педри и Гави кој се опоравува од повредата на коленото.
Атмосферата е лоша, а тензиите се зголемија по изјавите на Илкај Гиндоан. Германскиот репрезентативец отворено критикуваше неколку соиграчи за лошите одлуки во текот на реваншот со ПСЖ.
„Силна е поделбата во соблекувалната по изјавите на Гундоган“, пишува „АС“.
Чави заедно со членовите на стручниот штаб решија да ии дадат слободен ден на фудбалерите, поради што и го откажале денешниот тренинг.
Барселона, викендов, ја очекува Ел Класико, в недела од 21:00 часот во Мадрид.
До крајот на првенството остануваат уште седум натпревари, а на табелата води Реал со осум бодови повеќе од Барселона.
Да потсетиме, Чави следната недела треба да разговара со претседателот Џоан Лапорта, доколку не добие ветувања дека ќе му ги добие засилувања во летниот преоден рок, тој на 1.јули ќе го напушти клубот.
Спорт
Обезбедувањето го спасило Мбапе од бесните играчи на Барселона
Шпанските медиуми пренесуваат дека по реваншот од четвртфиналето на Лигата на шампионите, во кој ПСЖ победи гостувањето кај Барселона (4:1), Килијан Мбапе предизвикал сериозен инцидент.
Мбапе, кој веројатно ги игра последните натпревари за ПСЖ по натпреварт имал „блиска средаб“ со играчите на Барселона.
Според информациите на шпанските медиуми, Мбапе еуфорично ја прославил победата на ПСЖ извикувајќи: „ова е фудбал, ние зборуваме на теренот“, што некои играчи на Барселона го сфатиле како провокација.
Неколку луѓе од обезбедувањето и луѓето од двата клуба спречиле неколку играчи на Барса кои се упатиле кон Мбапе.
ПСЖ за финалето ќе игра против Борусија Дортмунд.
🚨 Ce geste de Kylian Mbappé aurait rendu furieux certains joueurs du Barça après le match.
Le Français aurait déclaré : « c’est le football et c’est sur le terrain qu’il faut parler. »
— BeFootball (@_BeFootball) April 18, 2024