Спорт
ЛШ: Гигантите ПСЖ и Реал во иста група, Звезда против Баерн и Тотенхем, Динамо контра Сити
По оддржаната ждрепка за Лигата на шампионите, веднаш најмногу внимание предизвикува групата А, каде што се Реал Мадрид и Пари Сен-Жермен, апсолутни фаворити во групата со белгискиот Бриж и турскиот шампион Галатасарај.
Супер-интересно ќе биде и во групата Ф, каде што покрај Барселона се и Борусија Дортмунд и Интер, заедно со чешкиот шампион и аутсајдер во групата Славија Прага.
Динамо Загреб кам-бекот во Лигата на шампиони ќе го има во групата Ц каде што се и Манчестер сити, Аталанта и Шахтјор Доњецк, додека Црвена звезда исто така има моќна група со Баерн Минхен, Тотенхем и Олимпијакос.
Актуелниот европски шампион Ливерпул повторно го доби Наполи како противник, но е апсолутен фаворит за првото место во групата Е со Ред бул Салцбург и Генк. Во групата Д, Јувентус ќе се судри со Атлетико Мадрид, Баер Леверкузен и Локомотив Москва.
ЛИГА НА ШАМПИОНИ
ГРУПА А
Пари Сен-Жермен (Фра)
Реал Мадрид (Шпа)
Клуб Бриж (Бел)
Галатасарај (Тур)
ГРУПА Б
Баерн Минхен (Гер)
Тотенхем (Анг)
Олимпијакос (Грц)
Црвена звезда (Срб)
ГРУПА Ц
Манчестер сити (Анг)
Шахтјор (Укр)
Динамо Загреб (Хрв)
Аталанта (Ита)
ГРУПА Д
Јувентус (Ита)
Атлетико Мадрид (Шпа)
Баер Леверкузен (Гер)
Локомотив Москва (Рус)
ГРУПА Е
Ливерпул (Анг)
Наполи (Ита)
Ред бул Салцбург (Авт)
Генк (Бел)
ГРУПА Ф
Барселона (Шпа)
Борусија Дортмунд (Гер)
Интер (Ита)
Славија Прага (Чеш)
ГРУПА Г
Зенит Санкт Петерсбург (Рус)
Бенфика (Пор)
Лион (Фра)
РБ Лајпциг (Гер)
ГРУПА Х
Челси (Анг)
Ајакс (Хол)
Валенсија (Шпа)
Лил (Фра)
The official result of the 2019/20 #UCLdraw! ?
3⃣ toughest groups are __ __ & __ ? pic.twitter.com/c7Xdro1vhn
— #UCLdraw (@ChampionsLeague) August 29, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.
Спорт
Хенес: Алонсо нема да дојде во Баерн ова лето
Почесниот претседател на Баерн, Ули Хенес изјави дека минимални се шансите тренерот на Баер Леверкузен, Чаби Алонсо на крајот на сезоната да го преземе клубот од Минхен.
Баерн пред нешто повеќе од еден месец објави дека тренерот Томас Тухел ќе ја заврши својата мисија во Минхен на крајот од сезоната.
„Точно е дека сакаме да потпишеме договор со Алонсо. Сепак, ќе биде многу тешко, да не речам невозможно“, изјави Хенес.
Алонсо го презеде тимот од Леверкузен во октомври 2022 година, а оваа сезона е вистински хит во Бундеслигата.
„Сигурен сум дека Алонсо ќе остане во Баер за да ја продолжи својата работа. Сега е тренер на клуб кој е блиску до освојување на титулата во Бундеслигата. Тој треба да му биде благодарен на клубот, но и клубот има за што да му заблагодари“, додаде Хенес.
Од 2014 до 2017 година, Алонсо играше за Баерн Минхен, каде што разви одлични односи со луѓето од клубот, меѓу кои и тогашниот претседател Ули Хенес, кој сега е доживотен почесен претседател.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.