Спорт
ЛШ: Ливерпул за 100 секунди го реши Салцбург, Милик „збудале“ за Наполи (видео)
Неизвесноста дали европскиот шампион Ливерпул ќе успее да избори пласман во осминафиналето на Лигата на шампионите траеше неполн час на „Ред бул арената“ во Салцбург, пред „црвените“ да стигнат до рутинска 2:0 победа за обезбедување на првото место во групата Е. Наполи им се приклучува на Ливерпул во осминафиналето по убедливата 4:0 победа над Генк во меч во кој блесна Аркадијуш Милик.
Тимот на Јирген Клоп патуваше во Австрија знаејќи дека со пораз ќе бидат елиминирани од натпреварувањето, и откако Мохамед Салах се изнапромаши во првото полувреме, многумина почнаа да се сомневаат.
Но, во 57. минута, во акција на двајца поранешни фудбалери на Салцбург, Наби Кеита го постигна првиот гол по одличната асистенција на Садио Мане, за само 100 секунди подоцна, Салах да надополни за промашувањата од првото полувреме и да зголеми на 2:0.
На „Сао Паоло“ во Неапол пак, каде што многумина сметаат дека го видовме последниот меч со Карло Анчелоти на клупата на Наполи, домашниот тим имаше одлично прво полувреме во кое Аркадијуш Милик постигна хет-трик, за обезбедување на пласман во осминафиналето. Дрис Мертенс во 74. минута од мечот од пенал зголеми на 4:0.
ЛИГА НА ШАМПИОНИ, 6.КОЛО
ГРУПА Е
Наполи – Генк 4:0
Салцбург – Ливерпул 0:2
Табела: 1.Ливерпул 13, 2.Наполи 12, 3.Салцбург 7, 4.Генк 1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.