Спорт
ЛШ: Меси со рекорд во својот 700. меч за Барса, Мартинез и Лукаку ги „кренаа“ Интер (видео)
Лионел Меси го одбележа својот јубилеен 700. меч во дресот на Барса со стил, поставувајќи нов рекорд во Лигата на шампионите со гол и две асистенции при 3:1 победата над Борусија Дортмунд за обезбедување на првото место во тешката група со Дортмунд и Интер.
Дортмунд станаа 34. тим во Лигата на шампионите кому Меси му дал гол, со што го помина достигнувањето на Раул и на Кристијано Роналдо, кои остануваат на 33. Меси не успеа да даде гол на првиот меч во Дортмунд, кој заврши 0:0.
Меси прво во 29. минута го проигра Луис Суарез за водство на Каталонците, за четири минути подоцна Уругваецот да ја врати „услугата“ и Аргентинецот да го постигне својот втор гол во ЛШ оваа сезона. Во второто полувреме, во 67. минута Меси му асистираше на Антоан Гризман за 3:0, пред гостите да постигнат утешен гол преку Џејден Санчо во 77. минута.
Интер пак, во истата група Ф, се намачи пред да „експлодира“ во финишот и да дојде до 4:1 победа на гостувањето кај Славија Прага, за да остане во трка за второто место на табелата. Лаутаро Мартинез ги донесе „нераѕурите“ во водство во 19. минута, но Славија израмни со гол од пенал во 37. минута. Ромелу Лукаку го „скрши“ отпорот на домаќините во 81. минута, за седум минути подоцна Мартинез да даде уште еден гол. Лукаку не застана тука, и во 93. минута ги постави конечните 1:4.
Во последното коло, Интер ќе мора да ја победи Барселона дома за сигурен пласман, бидејќи се израмнети по бројот на поени со Борусија, кои ја пречекуваат Славија.
Носителот на титулата, Ливерпул одигра 1:1 со тимот во криза, Наполи, откако прво Дрис Мертенс во 21. минута го шокираше „Енфилд“ и не го прославуваше многу својот гол по сите проблеми со казните и со „бунтот“ на играчите на Наполи. Ливерпул, успеа да стигне до израмнување во 65. минута, кога Дејан Ловрен се запиша во листата на стрелците.
ГРУПА Е
Ливерпул – Наполи 1:1
Генк – Салцбург 1:4
Табела: 1.Ливерпул 10, 2.Наполи 9, 3.Салцбург 7, 4.Генк 1
ГРУПА Ф
Барселона – Борусија Дортмунд 3:1
Славија Прага – Интер 1:3
Табела: 1.Барселона 11, 2.Интер 7, 3.Борусија Д. 7, 4.Славија П. 3
ГРУПА Г
Зенит – Лион 2:0
РБ Лајпциг – Бенфика 2:2
Табела: 1.Лајпциг 10, 2.Зенит 7, 3.Лион 7, 4.Бенфика 4
ГРУПА Х
Валенсија – Челси 2:2
Лил – Ајакс 0:2
Табела: 1.Ајакс 10, 2.Валенсија 8, 3.Челси 8, 4.Лил 1
БАРСЕЛОНА – БОРУСИЈА ДОРТМУНД
СЛАВИЈА П.-ИНТЕР
ЛИВЕРПУЛ – НАПОЛИ
ЛИЛ – АЈАКС
ЛАЈПЦИГ – БЕНФИКА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.