Спорт
ЛШ: Тотенхем го помина Сити во меч каков што ретко се гледа, Ливерпул пред мега-дуел со Барса! (видео)
Тотенхем ќе се судри со најголемото изненадување во Лигата на шампионите, Ајакс во полуфиналето, додека Ливерпул ќе оди на пресметка со Барселона, откако двата англиски тима на различен начин успеаја да се пласираат понатаму.
Тотенхем во меч со многу драма, пресврти и две контроверзни ВАР-одлуки успеа да загуби со минимални 4:3 од Манчестер сити, додека Ливерпул и во вториот меч рутински на „Драгао“ со 4:1 го совлада Порто.
Мечот на „Етихад“ го имаше најлудиот старт во историјата на Лигата на шампионите, кога во првите 11 минути се постигнаа четири гола, а по 21 минута Манчестер сити имаше водство од 3:2. Сити поведе веќе во четвртата минута преку Рахим Стерлинг, но потоа на сцена стапи Хеунг-Мин Сон, откако Кореецот постигна два гола за 2:1 водство на гостите. Во 11. минута, Бернардо Силва израмни на 2:2, додека Стерлинг со вториот гол донесе 3:2 во 21. минута од мечот, комплетирајќи го лудото прво полувреме.
Во второто, Сити притисна од почетокот, и ова вроди со плод во 59. минута, кога Серхио Агуеро по неколку фантастични одбрани на Иго Љорис, го матираше за 4:2, резултат кој го носеше тимот на Пеп Гвардиола во полуфинале.
⚽️ Manchester City vs Tottenham | Fernando Llorente (GOAL) 73′ pic.twitter.com/a2kNhrE2Fb
— D9INE (@D9INE_X_) April 17, 2019
Во 73. минута се случи првиот контроверзниот момент во лудиот натпревар – Фернандо Љоренте успеа да постигне гол по нафрлање на Трипиер, но топката изгледаше како прво да ја удри неговата рака, па неговиот колк и заврши во голот на Едерсон. Судијата Џунејт Чакир долго време ја разгледуваше снимката пред да го признае голот.
Мечот кој имаше луд почеток имаше уште полуд финиш! Сити се видоа во полуфиналето кога по една лошо проиграна топка на Кристијан Ериксен топката дојде кај Агуеро, кој му ја додаде на Стерлинг кој го совлада Љорис! Додека Пеп Гвардиола трчаше и славеше, судијата Чакир повторно го консултираше ВАР системот и одлучи дека нема гол.
⚽️ Manchester City vs Tottenham | (GOAL DISALLOWED) 93' pic.twitter.com/CyUHiAlQIp
— D9INE (@D9INE_X_) April 17, 2019
Кој го пропушти овој меч, може да жали!
Во Португалија пак, немаше толку драма, откако Ливерпул стигна до 3:1 победа, за заедно со домашниот 2:0 триумф да го елиминира Порто со вкупно 5:1 за мега-пресметка во полуфиналето со Барселона. За Ливерпул, повторно главен човек беше Мохамед Салах, по сите критики дека има „слаба“ сезона во споредба со минатата
Садио Мане во 26. минута ја искористи асистенцијата на Салах да го совлада ветеранот Касилјас за 0:1 водство. Самиот Салах се запиша во листата на стрелците во 65. минута, пред новиот фудбалер на Реал Мадрид, Милисао да намали на 1:2. Сепак, „црвените“ не се штедеа во финишот на мечот и постигнаа уште два гола, прво преку Роберто Фирмино во 77. минута, а потоа и преку Ван Дајк во 84. минута за убедлив триумф.
ЛИГА НА ШАМПИОНИ, 1/4 ФИНАЛЕ, ВТОРИ МЕЧЕВИ
Манчестер сити – Тотенхем 4:3, прв натпревар 0:1, вкупно 4:4, Тотенхем оди понатаму поради “гол на гости“
Порто – Ливерпул 1:4, прв натпревар 0:2, вкупно 1:6
ПОЛУФИНАЛЕ
Ајакс – Тотенхем
Барселона – Ливерпул
ДРУГИ ПЛЕЕРИ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.