Спорт

ЛШ: Украински кошмар за Реал, сега и со победа немаат сигурно место!

Објавено пред

2 месеци

- 1 декември, 2020

Од

Освојувачите на рекордни 13 европски титули, Реал Мадрид повторно загубија од Шахтјор Доњецк, за сега ниту со победа во последното коло во групната фаза на Лигата на шампионите да немаат гарантирано место во осминафиналето.

„Кралевите“, кои и дома загубија од украинскиот шампион (2:3), беа поразени со 2:0 на „Олимпискиот стадион“ во Киев, со што паднаа на третото место на табелата во групата Б со 7 поени, колку што имаат и Шахтјор и еден помалку од Борусија Менхенгладбах, кои вечерва ги пречекуваат Интер. Тоа значи дека и со победа над Менхенгладбах во последното коло, доколку Шахтјор го победи Интер на гости, „кралевите“ ќе бидат елиминирани, бидејќи имаат негативен скор со украинскиот клуб.

По слабото прво полувреме, Шахтјор дојде во водство во 57. минута по новата катастрофална грешка на Рафаел Варан преку Дентињо, за во 82. минута, Израелецот Манор Соломон со удар од далечина го матираше Тибо Куртоа, а Варан повторно лошо интервенираше.

И во групата А ситуацијата се искомпликува, откако во Москва, Ред бул Салцбург предводени од двата гола на младиот Мергим Бериша стигнаа до 3:1 победа над Локомотив Москва. Тука Баерн веќе се во осминафиналето и вечерва гостуваат со Б-тим кај Атлетико Мадрид, кои се втори со 5 поени. Салцбург се трети со 4 поени, а Локомотив на последното место со 3 поени.

ЛИГА НА ШАМПИОНИ, 5.КОЛО

ГРУПА А

Локомотив Москва – Ред бул Салцбург 1:3

Атлетико Мадрид – Баерн Минхен 21.00 ч.

Табела: 1.Баерн М. 12, 2.Атлетико М. 5, 3.Салцбург 4., 4.Локомотив М. 3

ГРУПА Б

Шахтјор Доњецк – Реал Мадрид 2:0

Борусија Менхенгладбах – Интер 21.00 ч.

Табела: 1.Менхенгладбах 8, 2.Шахтјор 7, 3.Реал М. 7, 4.Интер 2

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Зидан: Не си давам оставка, имаме работа пред нас

Претходно

Холифилд сака трилогија со Тајсон, но бара 25 милиони долари

Спорт

Хрватска, конечно, убедлива, Унгарците остануваат максимални

Објавено пред

49 минути

- 21 јануари, 2021

Од

TopSport.mk

Хрватската ракометна репрезентација, конечно, одигра убедлив натпревар, победувајќи го Бахреин со 28:18 за да дојдат чекор поблиску до пласман во четврт-финалето на Светското првенство во ракомет.

Откако им дозволија само два гола во првите 20 минути на противниците, по што рутински стигнаа до целта. Златко Хорват со осум гола беше најефикасен за „коцкестите“, по четири имаа Иван Мартиновиќ и Марино Мариќ, додека за Бахреин, Алсајад Хусаин имаше шест гола. Следен противник на Хрватите е Аргентина.

Одлична партија имаа и Унгарците, кои со 29:23 го совладаа Бразил за да се зацврстат на првото место во групата 1. Бенце Банхиди беше најдобар со пет гола, по четири додадоа Сунајке, Мате и Бодо, додека кај Бразил, Ланжаро имаше осум гола.

СП ЕГИПЕТ, ВТОРА РУНДА

ГРУПА 1

Уругвај – Полска 16:30 (9:14)

Унгарија – Бразил 29:23 (16:11)

Шпанија – Германија 20.30 ч.

Табела: 1.Унгарија 6, 2.Полска 4, 3.Шпанија 3, 4.Германија 2, 5.Бразил 1, 6.Уругвај 0

ГРУПА 2

Јапонија – Аргентина 24:28 (13:17)

Хрватска – Бахреин 28:18 (13:8)

Данска – Катар 20.30 ч.

Табела: 1.Хрватска 5, 2.Данска 4, 3.Аргентина 4, 4.Катар 2, 5.Јапонија 1, 6.Бахреин 0

Прикажи повеќе...

Спорт

Ѓоковиќ не одолеа на хармониката, мораше да заигра на тераса

Објавено пред

2 часа

- 21 јануари, 2021

Од

TopSport.mk

Новак Ѓоковиќ последните денови беше под критики од австралиската јавност за наводните „претерани и разгалени барања“ за тенисерите кои го „отслужуваат“ 14-дневниот карантин во хотел, но очигледно не го загубил расположението како што покажува последното видео од Австралија.

На Ѓоковиќ овојпат пред хотелот му се собраа српски навивачи со музика, кои успеаја да го раздрмаат и разиграат на терасата. Како подготовка за тенискиот турнир, нели?

View this post on Instagram
A post shared by 9News (@9news)

Прикажи повеќе...

Спорт

Шпанката Бадоса е првата тенисерка со коронавирус на Австралија опен

Објавено пред

2 часа

- 21 јануари, 2021

Од

TopSport.mk

Шпанската тенисерка Паула Бадоса е првата натпреварувачка која во карантинот во Мелбурн пред почетокот на Австралија опен имала позитивен тест на Ковид 19.

Таа патувала со еден од оние спорни летови од Абу Даби на кои уште двајца патници покажале позитивни резултати на вирусот.

Бадоса на социјалните мрежи напишала дека не се чувствува добро, па морале да ја преселат во медицински хотел во Мелбурн.

„Имам лоши вести, денеска добив позитивен тест на коронавирус. Не се чувствувам добро, имам некои од симптомите, но ќе се обидам да се опоравам. Ви благодарам на поддршката, ќе се вратам уште посилна“ порача 23-годишната тенисерка кој моментно е 67-ма на ВТА листата.

Минатата сезона Бадоса стигна до осминафиналето на Ролан Гарос. Лани во Мелбурн натпреварувањето го заврши во второто коло, подобра од неа беше Петра Квитова.