Спорт
Луда трка на „Хокенхајмринг“ – Макс Ферстапен прв низ целта
Каква луда трка гледачите имаа можност денеска да проследат во „летечкиот циркус“ – Формула 1. Возачот на Ред Бул, Макс Ферстапен е победник на трката за Големата награда на Германија, возена на „Хокенхајмринг“.
Холанѓанецот дојде до втората овосезонска победа на 11-тата извозена трка, вкупно седма во кариерата.
Ферстапен трката за започна од втората позиција, зад Луис Хамилтон кој по низа грешки остана без поени затоа што трката ја заврши како 11-ти. Сепак, херој на денешната трка е домашниот возач, Себастијан Фетел.
Германецот ја започна трката на последната 20-та позиција, а на крајот заврши како втор пред се благодарение на бројните испаѓања на Рикардо, Перес, Норис, Хулкенберг и Валтери Ботас.
Данил Квјат од Торо Росо обезбеди место на подиумот, трката ја заврши на третата позиција.
Потоа следуваа Ленс Строл, Карлос Сајнц, Александер Албон, Кими Раиконен, Антонио Џовинаци, Роман Грожан и Кевин Магнусен.
BREAKING: Max Verstappen wins a dramatic #GermanGP ?
Sebastian Vettel claims P2 from P20 on the grid
Daniil Kvyat claims Toro Rosso's second ever F1 podium by finishing P3
WOW#F1 ?? pic.twitter.com/wigBV6z0gs
— Formula 1 (@F1) July 28, 2019
Confirmation of the final positions from an unforgettable race at Hockenheim ⏱️#GermanGP #F1 ?? pic.twitter.com/ea8y1zqGE3
— Formula 1 (@F1) July 28, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.