Спорт
Лукаку: Ибрахимовиќ ме научи се што знам!
Кога пред две години Жозе Мурињо го доведе Ромелу Лукаку од Евертон во Манчестер Јунајтед за 85 милиони евра, Белгиецот требаше да биде еден од предводниците на клубот кој ќе го врати Јунајтед на старите патеки, по заминувањето на Алекс Фергусон.
Лукаку на 96 меча за „црвените ѓаволи“ даде 42 гола, што не е лоша статистика, но за играч кој е платен 85 милиони, веројатно се очекувало повеќе.
Минатото лето белгискиот голгетер беше продаден во Интер за 65 милиони евра. Тој за „Corriere Dello Sport“ вели дека сега во Милано е многу посреќен.
„Не ме загрижува тоа што сум најскапиот играч во историјата на клубот и што го менувам Икарди кој овде многу постигна. Јас не размислувам за индивидуалните постигнувања, екипата ми е на прво место. Тоа ми е најголемата мотивација, а на екипата можам да и помогнам само со постигнување голови“ – вели Лукаку.
На почетокот на сезонава, на 15 мела постигна 9 гола. Благодарен му е на Златан Ибрахимовиќ, од времето кога заедно беа во Јунајтед.
„Некое време сонував за Интер. Ги сакав Роналдо (Бразилецот) и Адријано, но Ибра ме научи се што знам. Пред се за време на нашите разговори во автобус. Верувам дека тој ќе се врати во Серија А“ – смета Белгиецот.
Открива и кога му станало јасно дека ќе го напупти клубот од „Олд Трафорд“.
„Кога Оле Гунар Солскјаер ме стави на крилна позиција, знаев дека е готово. Што се однесува за Антонио Конте, кој бараше да дојдам во Интер, тој е единствен. Покрај Мурињо најдобриот тренер со кој сум работел“ – рече Лукаку.
На прашањето дали Интер може да ја прекине доминацијата на Јувентус во Италија, напаѓачот со став дека „Мора да се оди меч по меч“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.