Спорт
Мајами ќе се бори за титулата во НБА-лигата
Мајами Ххит, по пауза од шест години, повторно ќе се бори за шампионскиот прстен во НБА-лигата. Мајами го освои Истокот кога во финалната серија го победија Бостон со 4:2. Во шестиот меч „жешките“ славеа со 125:113.
Мајами мечот го отвори со серија 6:0, таа предност ја имаше на крајот од првиот период и ја одржуваше сè до финишот на полувремето кога Тјтум и Вокер иницираа серија 8:0 за Бостон, меѓутоа Мајами, благодарение на Адебајо и Драгиќ, на полувреме замина со предност од два поена.
Третата четвртина беше максимално израмнета, а со поените на Драгиќ, Мајами во решавачкиот период влезе со поен предност.
На почетокот од последната четвртина Бостон со серијата 10:2 дојде до предност од шест поени. Тајлер Хиро иницира пресврт, а по тројката на Тејтум, Бостон имаше 100:98, што беше последно водство за овој тим на натпреварот. Мајами со серија 12:0 на две минути до крајот стекна недостижна предност.
Адебајо го предводеше Мајами со 32 поена, 14 скока и 5 асистенции. Играчот на мечот го следеа Џими Батлер со 22 поена и 8 асистенции, Тајлер Хиро со 19 поени, 5 скока и 7 асистенции и Горан Драгиќ со 13 поени и 7 асистенции.
На спротивната страна Џејлен Браун забележа 26 поени и 8 скока, Џејсон Тејтум 24 поени, 7 скока и 11 асистенции, а по 20 поени постигнаа Маркус Смарт и Кемба Вокер.
Мајами во финалето ќе игра против ЛА Лејкерс, првиот меч од серијата на програмата е в среда во 3 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.