Спорт
Македонија „на мускули“ до триумф во Финска, домашниот голман со меч на кариерата
Машката македонска ракометна репрезентација не задоволи со играта, но со искусен пристап во второто полувреме оствари победа со 27-22 на гостувањето кај Финска, во претпоследното 5-то коло од групата 7 од квалификациите за Европското ракометно првенство во Шпанија. Со тоа местото на ЕП веќе не е доведено во прашање.
Ако се сумираат впечатоците од мечот, Финска беше доминантна селекција во првото полувреме благодарение на летаргичноста на момците предводени од Кире Лазаров. По првите 30 минути на семафорот во салата во финскиот град Рихимаки стоеше 14-12 за домаќинот.
Најзаслужен за ваквиот развој на настаните во првиот дел беше домашниот голман Росландер кој собра 11 интервенции.
Македонија со многу дупки во одбраната и без Лазаров, Миркуловски, Стоилов и Кузмановски на стартот на мечот делуваше помалку незаинтересирано за надигрување со противникот кој е далеку зад реномето на македонската селекција.
По 15-тина минути селекторот Кире Лазаров викна тајм аут, па споменатите четворица се најдоа на паркетот. Сепак, тоа драстично не ги смени работите на теренот, па на полувреме Македонија отиде со -2 гола.
Во второто полувреме Македонија тргна со два гола и набрзо резултатот беше израмнет, 14-14.
Финците ја вратија предноста, домашниот голман одбрани два седмерци на Лазаров, но нашата репрезентација „стегна во одбраната“, па во 42-та минута на семафорот стоеше 17-17.
Во 46 минута резултатот повторно беше израмнет 19-19, а водство на Македонија не дозволуваше голманот Росландер кој
во 47. минута ја забележа својата 18-та одбрана. Посебно опасен за нашите ракометари беше по ударите од 7 метри.
По последното водство од 7-8, конечно Македонија поведе со 19-20, стрелец Лазаров со неговиот четврти погодок во 48 минута.
Дебитантот Игор Ѓоргиев ги забележа своите први два погодока во националниот состав, и тоа од пенал.
Серијата на Македонија за пресврт на мечот беше 4-0 за највисоки +3, 19-22 во 52. минута.
6 промашени пенали за Македонија на овој меч од 12 обиди.
Македонија до крајот рутинирано стигна до конечен триумф од 27-22.
Кире Лазаров постигна 5 гола, исто толку имаше и Кузмановски, а голманскиот тандем Митревски – Томовски имаше 15 интервенции.
Голманот Росландер кај Финска мечот го заврши со феноменални 20 интервенции, додека кај стрелците Гранлуд даде 6 гола, а пет реализираше Мартин.
Во последното коло од овие квалификации Македонија ја пречекува Швајцарија.
Фото: РФМ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.
Спорт
Хенес: Алонсо нема да дојде во Баерн ова лето
Почесниот претседател на Баерн, Ули Хенес изјави дека минимални се шансите тренерот на Баер Леверкузен, Чаби Алонсо на крајот на сезоната да го преземе клубот од Минхен.
Баерн пред нешто повеќе од еден месец објави дека тренерот Томас Тухел ќе ја заврши својата мисија во Минхен на крајот од сезоната.
„Точно е дека сакаме да потпишеме договор со Алонсо. Сепак, ќе биде многу тешко, да не речам невозможно“, изјави Хенес.
Алонсо го презеде тимот од Леверкузен во октомври 2022 година, а оваа сезона е вистински хит во Бундеслигата.
„Сигурен сум дека Алонсо ќе остане во Баер за да ја продолжи својата работа. Сега е тренер на клуб кој е блиску до освојување на титулата во Бундеслигата. Тој треба да му биде благодарен на клубот, но и клубот има за што да му заблагодари“, додаде Хенес.
Од 2014 до 2017 година, Алонсо играше за Баерн Минхен, каде што разви одлични односи со луѓето од клубот, меѓу кои и тогашниот претседател Ули Хенес, кој сега е доживотен почесен претседател.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.