Спорт
Македонија пишува фудбалска историја! Евро 2021 на дофат по победата над Косово
Македонската фудбалска репрезентација е на една победа од историски успех, пласман на Европското првенство во 2021 година, откако на арената „Тоше Проески“ во интересен натпревар со 2:1 го победи Косово, во меч со многу грешки, чудни голови, но и два поништени голови за Македонија.
Сега, „четата“ на Игор Ангеловски го очекува тешко гостување во Тбилиси кај Грузија на 12 ноември, а победникот ќе добие шанса да игра за првпат во својата историја на едно големо фудбалско натпреварување, фудбалски сон на Македонија од своето осамостојување.
Мечот со Косово можеби не беше најквалитетните 90 минути на македонската репрезентација, но возбудувања не недостасуваа.
Македонија дојде во водство во 16. минута, кога по еден непрецизен удар на Стефан Ристовски, топката удри во нозете на косовскиот дефанзивец, Бенјамин Кољоли и заврши во голот. Во 28. минута, Косово успеа да израмни по навистина лоша реакција на голманот Столе Димитриевски и дефанзивецот Дарко Велковски, кога ја подарија топката на противниците на работ на шестнаесетникот, а Флорант Хадерѓонај од огромна далечина ја смести топката во мрежата.
Меѓутоа, Велковски бргу успеа да врати – во 33. минута, по одличното нафрлање од Енис Барди од слободен удар, тој беше највисок во скокот и го совлада Аријанет Мурич.
Во второто полувреме, имавме многу повеќе шанси да го зголемиме водството. Во 54. минута, Аријан Адеми му асистираше на Пандев, кој го совлада голманот, но судијата досуди офсајд откако Барди му додаде на Адеми во недозволена позиција. Потоа, следуваа две одлични шанси на Пандев и Несторовски, кои голманот Мурич ги одбрани.
Во 66. минута, повторно гол, но повторно поништување – Барди наместо да шутира сам му додава на Адеми за гол, кој не беше признаен. Во 70. минута, Македонија можеше да добие и пенал, кога Ваљон Бериша играше со рака во пеналтикот, но холандскиот судија Дени Макели сметаше дека се работи за ненамерна грешка.
Фото: УЕФА
North Macedonia vs Kosovo 1 : 0 Aliti Own Goal 8.10.2020 pic.twitter.com/aBkjqPpMuo
— Giorgi Javoiani (@JavoianiGiorgi) October 8, 2020
North Macedonia vs Kosovo 1 : 1 Hadergjonaj Amazing Goal 8.10.2020 #UEFAEURO2020 pic.twitter.com/6LCIPA7Dq2
— Giorgi Javoiani (@JavoianiGiorgi) October 8, 2020
VELKOVSKI DONNE L’AVANTAGE À LA MACÉDOINE ! #MKDKOS pic.twitter.com/vxINjSsL6l
— Feuille de Match (@Feuille2Match_) October 8, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.