Спорт
Македонија за три минути ја реши Летонија, Словенците славеа над Израел (Видео)
Македонската фудбалска репрезентација ги освои планираните бодови против Летонија во рамките на шестото коло во Г-групата. Избраниците на Игор Ангеловски победија 2-0 со головите на Пандев и Барди, а доколку беа имаа повеќе концентрација во завршницата на нападите триумфот можеше да биде изразен и со поголема разлика.
Офанзивната определба на селекторот Игор Ангеловски со Трајковски, Тричковски и Пандев на теренот вроди со плод уште во првите 20 минути. Во интервал од три минути македонските фудбалери два пати го совладаа Ванинс.
Првата шанса на мечот ја имаше Тричковски, чии удар успеа да го одбрани летонскиот голман. Пет минути подоцна одлична акција на нашите фудбалери по левата страна Елмас и Барди разменија додавања, фудбалерот на Наполи влезе во шеснаесетникот на латвија со приземна топка го проигра Пандев кој постигна гол.
Ова е прв гол за капитенот во овој квалификациски циклус, а вкупно 34 во 105 настап за Македонија.
Три минути подоцна одново Елмас беше зачетник на акцијата, а потоа на одбиената топка натрча Барди и од 18 метри стрелаше прецизно.
До крајот на полувремето Елмас имаше две можности да го зголеми резултатот меѓутоа ударот во 31 минута беше непрецизен, а во 34 минута Ванинс успеа да одбрани.
„Мртва шанса“ во 42 минута имаше Пандев, излезе сам пред голманот Внинс но не успеа да ја префрли топката преку голманот на Летонија.
Во второто полувреме можност да постигнат гол имаа Трајковски, чии удар заврши крај голот и Барди кој се обиде од слободен удар, но топката заврши во рацете на голманот.
Дамка на победата е жолтиот картон што го доби Барди, поради кој играчот на Леванте нема да игра против Словенија во Скопје на 10 октомври.
Словенија во нашата група забележа драматична победа над Израел во Љубљана. Словенците до победата 3-2 стигнаа со голот на Вербич во 90 минута.
Претходно во 40 минута Вербич погоди за водство на Словенија, а Израелците во воведните 20 минути од второто полувреме направија пресврт преку Натхо и Захави. Три минити по водечкиот гол на Израел, Безјак израмни на 2-2.
Во дербито на колото Полска и Австрија одиграа 0-0.
По шест кола во Г-групата води Полска со 13 бода, Словенија се искачи на второто место со 11, Австрија има 10, Македонија и Израел по 8, а Летонија е без освоен бод.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лирој Сане има чудна повреда поради која не може да седи
Лирој Сане, во средата, беше еден од најдобрите играчи во тимот на Баерн, кој преку Арсенал избори пласман во полуфиналето, во Лигата на шампионите. Германските медиуми пишуваат дека 28-годишниот фудбалер повреден го одиграл тој натпревар и дека планира да игра до крајот на сезоната.
Сане има чудба повреда поради која не може нормално да седи.
Како резултат на тоа, тој не поминува време со соиграчите пред и по тренинзите, а тешко му е и да патува.
Но, и покрај тоа, му порачал на тренерот Томас Тухел дека не размислува да прави пауза за да ја лечи повредата, особено не сега кога Баерн Минхен го очекува двомеч со Реал Мадрид.
Сане има повреда на срамната коска, односно на препоните, една од трите главни коски на карлицата. Германските медиуми пренесуваат дека Сане под блокада го одиграл реваншот од четвртфиналето со Арсенал, но дека по натпреварот имал сериозни болки.
Напуштајќи го стадионот, тој наводно им рекол на тренерот и соиграчите дека ќе продолжи да тренира и да игра како ништо да не се случило, особено што поради повреди мечот го пропуштија Серж Гнарби и Кингсли Коман.
Сезонава Сане има девет гола и 13 асистенции на 39 настапи во дресот на Баерн.
Спорт
Невозможно е да се добие пенал серија против Емилијано Матинез
Аргентинскиот голман Емилијано Мартинез можеби не е најдобар пример за новата генерација, но неговите голмански квалитети не можат да се оспорат.
Мартинез е „доктор за пенали“, а тоа уште еднаш го докажа во Лил, каде беше најзаслужен што неговата Астон Вила се пласираше во полуфиналето на Конференциската лига.
Мартинез беше пречекан од непријателска публика во Франција по се што се случи на Мундијалот во Катар, кога Аргентина во финалето на пенали ја победи Франција.
Натпреварот Лил-Астон Вила заврши со резултат 2:1, идентична понеда англискиот тим забележа на домапен терен, па откако и по дополнителните 30 минути немаше промена во резултатот, победникот го решија пеналите.
Мартинез тука повторно блескаше, ги одбрани пеналите на Бенталеб и Андре и го однесе својот тим понатаму во борбата за европскиот трофеј.
Тоа беше негова петта последовна пенал серија од која излезе како победник.
Мартинез во пенал рулетот:
Комјунити Шилд 2020 против Ливерпул ✅
Полуфинале на Копа Америка 2021 против Колумбија ✅
Четвртфинале на СП 2022 против Холандија ✅
Финале на Светското првенство 2022 против Франција ✅
Четвртфинале на Конференциската лига 2024 против Лил ✅
Спорт
Араухо нема коментар за критиките од Гундоган
Тензично е во Барселона по елиминацијата од ПСЖ во четвртфиналето на Лигата на шампионите. ПСЖ славеше во реваншот во Барселона со 4:1 и со вкупен резултат 6:4 влезе меѓу најдобрите четири екипи во елитното натпреварување. и покрај тоа што победи со 3:2 во Париз, а потоа поведе со 1:0 на домашен терен.
Клучниот момент во реваншот се случи во 29. минута кога Роналд Араухо доби црвен картон. Како последен играч во одбраната, направи фал врз Баркола.
Илкај Гундоган, еден од најискусните играчи на Барселона, по натпреварот го критикуваше Араухо.
„Во клучните моменти од играта, мора да бидете сигурни кога стартувате на топката. Јас би оставил ситуација еден на еден, би му дал шанса на голманот да спаси, или да примиме гол“, рече тој. .
Араухо одби да му одговори на Гундоган, беше краток во својот коментар.
„Претпочитам да ги задржам за себе она што го мислам за тој коментар. Имам одредени вредности кои мислам дека треба да се почитуваат“.
Освен што коментарот на Гундоган не му се допадна на Араухо, во негова одбрана застанаа и францускиот дефанзивец Жил Кунде и капитенот Серхи Роберто кои на социјалните мрежи порачаа дека „секогаш победуваат и губат како тим“.