Спорт
Малдини остро: Рангник пред да учи италијански, да научи што е тоа респект
Иконата на Милан, Паоло Малдини му порача на Ралф Рангник да го научи „концептот на респект“ откако поранешниот тренер на РБ Лајпциг изјави дека е потребно да се исполнат некои услови и тој да добие „одредена моќ“ за да го преземе кормилото на „росонерите“.
Интересот на Милан за Рангник трае подолго време и беше главна причина за заминувањето на директорот Звонимир Бобан кој изјави дека чувствува дека генералниот директор Иван Газидис му работи зад грб со преговорите со Германецот. Италијанските медиуми тврдеа дека Газидис му понудил на Рангник улога на „класичен“ англиски менаџер, со голема моќ за одредување на трансферите на тимот.
Со ова ангажирање, Малдини и главниот тренер Стефано Пиоли би останале без место кај „росонерите“, и Малдини немаше влакна на јазикот кога тргна во напад на Рангник.
„Никогаш не сум зборувал со Рангник и не сфаќам на која основа се неговите изјави, бидејќи мене сопственикот не ми посочил такви работи. Но, некои мисли мораат да се кажат. Германецот, всушност зборува за улога со целосна менаџерска моќ на спортско и на техничко ниво, каде што работат професионалци со одредени договори. Затоа би му советувал, пред да научи да зборува италијански, да ги научи концептите за респект, бидејќи има колеги, кои покрај сите тешкотии се обидуваат да ја завршат сезоната на професионален начин, ставајќи ја професионалната гордост за доброто на Милан“, вели Малдини во интервју за „АНСА“.
Рангник за Милан: Ми треба влијание во клубот за да прифатам таква работа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.