Дебитантите на светските првенства, Зеленортските острови ја режираа првата вистинска сензација на Мундијалот во САД, Канада и Мексико. Во Атланта, малата држава во Атланскиот океан, одигра 0:0 со актуелниот европски првак Шпанија. Апсолутен херој на натпреварот е 40-годишниот голман, Возиња.

Екипата на Луис де ла Фуенте напаѓаше во текот на целиот натпревар, но не успеа да го пробие двојниот блок предводен од голманот Возиња. На крајот, 0:0 и историски прв бод на Мундијалите за Зеленортските острови.

Шпанија го започна натпреварот со силен состав, иако големи имиња како Дани Олмо, Ламин Јамал и Нико Вилијамс беа на клупата од самиот почеток.

Сепак, тренерот Луис де ла Фуенте има многу широк состав, па започна со Гави, Ојерзабал и Феран Торес како напаѓачи. Но, во првото полувреме, Капе Верде не им дозволи многу на Шпанците.

Дури во 39-та минута европскиот шампион создаде одлична шанса. Марк Кукуреља со глава ја врати топката од втората статива кон средината, а Феран Торес ја погоди гредата. Во истата акција, шутираше и Микел Ојерзабал, но неговиот обид го одбрани Возиња.

До крајот на првото полувреме имаше уште две интервенции. Го одбрани ударот со глава на Лапорт по корнер и уште еден удар на Феран Торес од околу 10 метри.

Мачењето на Шпанците продолжи и во остатокот од натпреварот, а во 71-та минута, Де ла Фуенте одлучи да ја испрати големата ѕвезда Ламин Јамал на теренот. Јамал не играше фудбал во последните два месеци поради повреда. Шпанија напаѓаше и бараше гол вреден три бода, но не го најде патот до мрежата на противникот до крајот.

Вториот натпревар од првото коло од оваа група ќе се игра точно на полноќ, а Саудиска Арабија и Уругвај ќе се борат за бодови во Мајами.

Второто коло е закажано за 21 и 22 јуни, а ќе се сретнат Шпанија – Саудиска Арабија и Уругвај – Зеленортските острови.

Foto/ EPA

Фудбалерот Рафа Мир (28) е осуден на осум и пол години затвор за сексуален напад врз девојка, одлучи судот во Валенсија. Злосторството се случило на 1 септември 2024 година, во куќата на Миро во станбената област Торе ен Конил во Бетера, Шпанија.

Со пресудата, која сè уште не е конечна, Мир е осуден на седум години затвор за сексуален напад и дополнителни 18 месеци за нанесување телесни повреди. Судот, исто така, му изрече забрана од десет години за приближување кон жртвата на растојание помало од 500 метри и му наложи да плати 14.000 евра отштета за телесни повреди и 50.000 евра за душевна болка.

Во истата постапка е осуден и пријателот на Мир и помалку познат фудбалер Пабло Хара. Тој е осуден на две години затвор за сексуален напад и дополнителни шест месеци за кривично дело против моралниот интегритет поврзано со друга жртва. На Хара му беше наредено да плати и 280 евра за физички повреди и 6.000 евра за ментална болка.

За време на судењето, жртвата сведочеше дека Мир стоел блиску до неа и дека изразила желба да си замине. На крајот, судот нареди и да се покрене истрага за евентуално лажно сведочење на локалните полицајци од Бетера кои први биле вклучени во случајот.

Рафа Мир е шпански фудбалер кој игра како напаѓач. Тој е член на Севилја од 2021 година, а минатата сезона ја помина на позајмица во Елче. Ја започна својата кариера во Валенсија, а играше и за Вулверхемптон, Лас Палмас, Нотингем Форест и Уеска. Во Ла Лига, највисокото ниво на шпанскиот фудбал, одигра 162 натпревари и постигна 40 гола.

Foto/ Depositphotos

Уругвајскиот напаѓач Дарвин Нуњез би можел да се врати во Ливерпул ова лето, што би било едно од најголемите изненадувања во преодниот рок.

Според странските медиуми, на „Црвените“ им е дадена можност да го вратат поранешниот напаѓач без обештетување, откако Нуњез спогодбено се раздели со Ал Хилал на крајот од сезоната.

Нуњез се пресели во саудискиот клуб за 46 милиони фунти минатото лето, но неговиот престој во Ал Хилал не помина како што се очекуваше. По доаѓањето на францускиот голгетер Карим Бензема во февруари, Уругвајецот го изгуби местото во тимот, што дополнително ги поттикна шпекулациите за неговото заминување од клубот.

Новинарот Мартин Чаркеро, тврди дека враќањето на „Енфилд“ е веќе договорено, но дека официјалната потврда сè уште нема да следи.

„Внимание. Дарвин Нуњез се враќа во Ливерпул. Потврдата нема да биде објавена во наредните денови бидејќи играчот побарал целосно да се фокусира на своите обврски со репрезентацијата на Уругвај“, рече Чаркеро.

Нуњез беше доведен во Ливерпул од страна на Јирген Клоп, кој ѝ плати на Бенфика почетни 64 милиони фунти во 2022 година, со бонуси што би можеле да ја зголемат вредноста на трансферот на дури 84 милиони.

Сега англиските гиганти би можеле да го вратат 26-годишниот напаѓач без да платат отштета. Нуњез полни 27 години на 24 јуни и многу фанови веруваат дека тој сè уште е во своите најдобри играчки години.

За време на неговиот претходен престој во Премиер лигата, тој постигна 25 гола и заележа 16 асистенции, но често беше мета на критики за неговиот недостаток на реализација и голем број пропуштени можности, што на крајот придонесе за неговото заминување од клубот.

Сепак, и покрај променливата форма, Нуњез остана еден од омилените играчи меѓу навивачите на Ливерпул, па социјалните мрежи наскоро беа преполни со повици до раководството да ја искористи можноста и да го врати уругвајскиот репрезентативец на „Енфилд“.

foto/ Depositphotos