Спорт
Марадона: Сакам уште еден гол против Англија, но овој пат со десна рака!
Пред својот 60-ти роденден Диего Марадона даде интересно интервју за „Франс фудбал“, одговорајќи за своите желби уште еднаш да се врати на фудбалскиот терен.
„Сонувам за уште еден гол против Англија, овој пат со десната рака“, изјави низ смеење аргентинскиот идол.
„Боцката“ кон Англичаните, секако, е поради Светското првенство во 1986 година, кога Марадона сам ги елиминираше „трите лава“ во четврт-финалето со два гола – еден фантастичен со слалом низ цела одбрана на противникот, и уште еден, контроверзен, со рака, за која подоцна изјави дека се работи за „Божја рака“.
„Ел Пибе“ исто така зборуваше за тоа кој во моментов е најдобриот фудбалер на светот.
„Мбапе е фантастичен фудбалер, но уште е дете. Меси и Роналдо остануваат најдобри, чекор пред другите и навистина не гледам некој кој е блиску до нив. Ниту еден друг не остварува половина од тие двајца“, додава Марадона.
C’est l’événement de la semaine ! France Football publie un numéro collector consacré à Diego Maradona ! Avec un format plus grand et une interview d’El Pibe de Oro ! ???
Le sommaire complet d’un numéro IMMANQUABLE : https://t.co/gXoNvPArVf pic.twitter.com/i3GjS7NiQO
— France Football (@francefootball) October 26, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.