Спорт
Мареј и Јокиќ ги средија Спарс, Далас не можат без Дончиќ (Видео)
Кошаркарите на Денвер Нагетс ја продолжија победничката серија во НБА лигата. Нагетс надоместија негатива од 23 поени против Сан Антонио Спарс и на крајот славеа 127:120.
Сан Антонио го диктираа ритамот во првото полувреме (53:67), а на почетокот на третиот период имаа предност од 23 поени. Од тој момент Нагетс започнаа да играат, во последната четвртина влегоа со минус од само четири поени.
Во средишницата на последната четвртина Нагетс го презедоа водството кое не го испуштија до крајот.
Џамал Мареј со 26 поени, Никола Јокиќ со 19 поени, осум скока и 13 асистенции, односно Пол Милсап со 22 поени го предводеа Денвер до победата. Ламаркус Олдриџ со 33 поени, шест скока и пет асистенции беше најдобар кај Сан Антонио.
Победничката серија ја продолжија и кошаркарите на Јута Џез. Пред Јута падна Далас Маверикс 123:119. Маверикс без Лука Дончиќ имаа негатива од 21 поен на полувремето, успеаја да се вратат во вториот дел но немаа сили за целосен пресврт. Јута ја запишаа третата победа во низа, додека Далас имаат три порази на последните четири натпревари.
Џордан Кларксон со 25, Бојан Богдановиќ со 23 и Руди Гобер со 17 поени и 16 скока се истакнаа кај Јута, додека Кристапс Прозингс постигна 28 поени за Далас.
Резултати:
Детроит-Шарлот 76:87
Индијана-Бруклин 105:106
Орландо-Атланта 135:126
Торонто-Минесота 137:126
Милвоки-Сакраменто 123:111
Голден стејт-Мајани 101:113
ЛА Лејкерс-Финикс 125:100
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.