Спорт
Мареј за Циципас: Повеќе не го почитувам
Стефанос Циципас, во драматичен меч, успеа да го елиминира Енди Мареј од Ју-ес опен. Мечот од првото коло траеше четири часа и 44 минути, Гркот славеше со 2:6, 7:6, 3:6, 6:3, 6:4.
Енди Мареј, некогаш светски број 1, а сега 112 на АТП листата, по мечот истакна дека е многу лут поради паузата која ја направи Циципас, по завршувањето на четвртиот сет. Циципас десет минути се задржа во тоалетот, поради што Мареј влезе во расправија со супервизорот.
Слична реакција, неодамна на турнирот во Синсинати имаше и Александар Зверев. И тој како и Мареј, го обвини Циципас оди во тоалет за да се допишува со својот татко Апосотолос, односно преку пораки добива дополнителни совети.
„Пред мечот со мојот тим разговаравме за ова, дека доколку не му оди ќе замине во тоалет. Меѓутоа не можеш да спречиш тоа да не влијае врз тебе. Кога играш вака брутален меч и ќе застанеш десет минути, тоа не е добро. Ментално можеш да се подготвиш на нешто вакво, но физички не. Стално правеше паузи, па медицински тајм-аут, во четвртиот сет кога имав 0:30 тој го менува рекетот. Можеби тоа беше случајно, но не верувам дека рекетот му праваше проблеми. Разочаран сум бидејќи сметам дека тоа влијаеше врз конечниот резултат. Не тврдам дека ќе победев, но велем дека паузите имаа влијание врз резултатот. Многу го почитувам, брилијантен тенисер е, одличен е за тенисот. Но, сега имам нула време за вакви работи, повеќе не го почитувам…“, рекол Мареј.
Andy Murray clearly unhappy with Stefanos Tsitsipas' extended toilet breaks! Lashes out at the supervisor#USOpen pic.twitter.com/24haG7r7g0
— Lakshya (@LakshyaNotLaksh) August 30, 2021
Британецот рекол дека се залага за промена на правилото кога се бара медицински тајм-аут и дека бара да биде скратена паузата за тоалет.
Циципас од друга страна не се согласува дека направил нешто погрешно. Глупости ги нарекол коментарите дека во текот на мечевите, кога не му оди, дозволената пауза помеѓу сетовите ја користи за да се допишува со својот татко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.