Капитенот на Челзи Рис Џејмс е обвинет од Англиската фудбалска асоцијација (ФА) поради инцидентот во тунелот по поразот во Премиер лигата од Астон Вила (0:1).

Џејмс беше обвинет од ФА за непримерно обраќање кон судијата по завршувањето на натпреварот од шестото коло.

„Џејмс е обвинет дека употребил несоодветен и навредлив јазик кон службеното лице на натпреварот во тунелот по натпреварот“, се вели во соопштението на ФА.

Џејмс има рок до 29 септември да ја изнесе својата одбрана.

Тој не беше во тимот за натпреварот против Астон Вила поради повреда на тетивата.

Фудбалерите на Сасуоло по Јувентус го шокираа и Интер. Сасусло среде Милано, му го нанесе првиот пораз на Интер оваа сезона. На „Џузепе Меаца“, екипата од Реџо Емилија победи со 2:1.

Интер имаше водство од финишот на првиот дел кога Дамфрис постигна гол. Во вториот дел, Бајрами ја искористи кардиналната грешка на голманот Зомер и го изедначи резултатот, а во 64.минута Беради со брилијантен гол ги постави конечните 2:1.

Фудбалерите на Реал Мадрид го совладаа тимот на Лас Палмас во седмото коло од шпанската Примера, ја скокнаа Барселона на табелата, но не и најголемото изнанедување во Примера, екипата на Џирона.

Џирона, прв пат во клупската историја е лидер во најсилната шпанска конкуренција. Екипата од Каталонија во првите седум кола од можните 21, освои 19 бода. По ремито во првото коло, Џирона направи серија од шест победи, најдолга во клупската историја.

Џирона гостуваше кај Виљареал и со пресврт успеа да ги освои бодовите. Првиот дел заврши без голови. На стартот од второто полувреме, Виљареал доби пенал. Парехо погоди во 49.минута.

Џирона експресно одговори преку Украинецот Довбик во 56. и позајмениот играч на Барселона, Ерик Гарсија во 61.минута.

На „Сантијаго Бернабеу“, Реал со победата над Лас Палмас (2:0), се рехабилитраше од поразот од Атлетико.

Мадриѓаните од првата минута го диктираа темпото и создаваа шанси, имаа дури 18 удари кон голот на гостите во првото полувреме, но голманот Алваро Валес одлично бранеше.

И кога се чинеше дека полувремето ќе заврши без голови во третата минута од судиското надополнување, Лукас Васкез го проигра Брахим Дијаз, кој го најде патот до мрежата на Лас Палмас. Тоа е негов прв гол во вториот мандат во дресот на Реал Мадрид. Познато е дека во претходните три сезони успешно настапуваше во Милан.

На почетокот на вториот дел Хоселу по центаршутот на Родриго го постави конечниот резултат.

Во Билбао домашниот Атлетик двапати водеше, но Хетафе извлече бод – 2:2.

Foto/ EPA