Спорт
Маркез со доминација во Аргентина за прв триумф во новата сезона
Светскиот шампион Марк Маркез стигна до својата прва Мото ГП победа во 2019 година, откако доминираше на Аргентинското ГП правејќи разлика од речиси десет секунди пред стариот ривал, Валентино Роси во Јамаха.
Асот на Хонда имаше совршен старт од пол-позицијата да направи предност од една секунда пред Роси уште во првиот круг, по што беше апсолутно недопирлив и по само три круга „бегаше“ три секунди, а по 10 круга, цели седум секунди. Ова е трета победа за Шпанецот на патеката Термас де Рио Хондо.
Зад него, битката за второто место се одвиваше помеѓу Роси и Андреа Довициозо во Дукати, а борбата ја доби поискусниот Италијанец, откако во последиот круг успеа да го помине победникот од Катар ГП.
Четвртото место го освои Џек Милер (Прамак Дукати) откако го помина Алекс Ринс и вториот фабрички мотоцикл на Дукати на Данило Петручи. Маверик Вињалес во Јамаха беше на седмото место кога беше „собран“ од Франко Морбидели во Петронас Јамаха во седмата кривина од последниот круг. Со ова, Такаки Накагами беше седми пред Фабио Квартараро, Алекс Еспаргаро и Пол Еспаргаро.
Race victory ✅
Championship lead ✅Perfect day for @marcmarquez93 at Termas!#ArgentinaGP ?? pic.twitter.com/020HYLBqFJ
— MotoGP™ ?? (@MotoGP) March 31, 2019
Confirmation of the full results from Termas de Rio Hondo! ?@marcmarquez93 takes the victory ahead of @ValeYellow46 and @AndreaDovizioso! ⏱️#ArgentinaGP ?? pic.twitter.com/Dc1NhSVqpr
— MotoGP™ ?? (@MotoGP) March 31, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.