Спорт
Мароко бара „Адидас“ да го повлече дресот на Алжир
Министерството за култура на Мароко побара од германскиот производител на спортска опрема „Адидас“ да ја повлече својата нова колекција на дресови на фудбалската репрезентација на Алжир.
Тие ја обвинуваат компанијата за грубо присвојување на симболот на „мароканското културно наследство“, дозна агенцијата АФП од адвокатот на мароканското министерство.
„Ова е кражба на мотивите инспирирани од мароканската керамика што се појавуваат на дресовите на Алжир, што го натера Министерството да дејствува по итна постапка“, изјави извор од Министерството за култура на Мароко.
Во официјалното известување испратено од адвокатот до извршниот директор на „Адидас“, Каспер Рорстед, се осудува „културното присвојување и обидот да се украде модел од мароканското културно наследство за да се користи надвор од неговиот контекст“.
Мене Мурад Еладитини, адвокатот на министерството, побара дресот да биде повлечен во рок од две недели.
„Мароканското Министерство за култура го задржува правото да ги користи сите можни правни постапки пред германските и меѓународните судови“, предупредува адвокатот во писмото.
Тој, исто така, се закани дека ќе го претстави случајот „на организациите кои се одговорни за заштита на културното наследство и авторските права, како што се УНЕСКО и ВИПО, со цел да се заштитат елементите на мароканското културно наследство“.
„Адидас“ на 23 септември, на социјалната мрежа „Твитер“, ја претстави колекцијата Phenex на алжирската репрезентација „инспирирана од културата и традицијата“.
Овој нов дизајн, според „Адидас“, ја црпи својата инспирација од палатата Мехуар во Тлемцен, во северозападниот дел на Алжир.
Алжирските власти сметаат дека барањето на Мароко е „целосно неоправдано“.
???????????? Morocco to take legal action over the new Algeria training jersey and give 15-day ultimatum to withdraw its production from Adidas, citing stolen heritage of Moroccan values. pic.twitter.com/Y62ehYn0oQ
— Dean Ammi (@AlgerianFooty) September 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.