Спорт
Мбапе со хет-трик на „Ноу Камп“ ја здроби Барса, Ливерпул за пет минути го доби Лајпциг
Килијан Мбапе постигна три гола во својот прв меч против Барселона, за да ги предводи Пари Сен-Жермен до неверојатна 4:1 победа на „Ноу Камп“ во првиот меч од осминафиналето на Лигата на шампионите, додека Ливерпул за само пет минути во второто полувреме ги искористи грешките на Лајпциг и стигна до 0:2 победа во Будимпешта за ставање на крај на лошата серија пред реваншот на „Енфилд“.
Иако и во минатото се случувало ПСЖ да пропуштат ваква предност во нокаут-фазата од Лигата на шампионите, „светците“, за кои покрај Мбапе блесна и Марко Верати, се огромни фаворити пред реваншот на „Паркот на принцовите“ по европското деби на тренерот Маурисио Почетино.
А, работите почнаа добро за Блауграна. Лионел Меси ги донесе во водство во 27. минута од мечот со гол од пенал, но веќе во 32. минута, Мбапе го постигна својот 21. гол во ЛШ за на полувреме да се отиде со израмнет резултат. Во второто полувреме, Мбапе повторно „удри“ на Каталонците во 53. минута, за Моисе Кин да зголеми на 1:3 само пет минути подоцна користејќи го „распадот“ во играта на тимот на Роналд Куман. Мбапе ја комплетираше маестралната партија во 85. минута за огромна победа на „светците“.
Фановите на Ливерпул, пак, по сите маки во Премиер лигата и лошата форма, имаат причини за радост, откако „црвените“ доминираа против бундеслигашот РБ Лајпциг, и усепаја за пет минути во второто полувреме да го решат победникот. Мохамед Салах во 53. минута и Садио Мане само пет минути подоцна донесоа драгоцена победа за кревање на моралот во тимот на Јирген Клоп.
ЛИГА НА ШАМПИОНИ, 1/8 ФИНАЛЕ, 1.МЕЧ
Барселона – Пари Сен-Жермен 1:4
РБ Лајпциг – Ливерпул 0:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.