Спорт
Мбапе: Уште еднаш ќе треба да се докажам на „Бернабеу“, ова не влијае на иднината
Килијан Мбапе вели дека немал проблем да се фокусира на својата работа со Пари Сен-Жермен и покрај шпекулациите за трансферот во Реал Мадрид, откако во 94. минута од возбудливата пресметка на „Паркот на принцовите“ го постигна одлучувачкиот гол за 1:0 победа во првиот меч од осминафиналето на ЛШ.
„Сакавме да бидеме подготвени за вакви големи мечеви. Сонуваме за вакво нешто, одевме на победа, за нашите навивачи. Во шестнаесетникот напаѓачот секогаш е во контрола. Одбранбениот играч мора да се повлече, а јас одлучувам каде ќе тргам. Како можам да го игнорирам контекстот на овој меч? Лесно, играш фудбал. Сите прашуваат премногу работи, ние кажуваме премногу работи. Но, тука се ПСЖ и Реал, два големи клуба. Јас сум играч на ПСЖ и среќен сум. Реков дека ќе го дадам максимумот и треба да го докажам тоа. Ова беше првпат, сега вторпат на ‘Бернабеу’“, вели Мбапе за „Канал плус“.
Тој потврди дека уште не донел одлука за тоа каде ќе игра следната сезона по крајот на договорот и покрај шпекулациите дека Реал веќе го имаат осигурано неговиот потпис.
„Не сум одлучил за иднината. Играм за Пари Сен-Жермен, еден од најдобрите клубови на светот. Овој меч нема да влијае на мојата иднина. Ќе го дадам максимумот, а потоа ќе размислуваме за иднината“, додаде Французинот.
Мајсторијата на Мбапе во 94. минута ги „казни“ Реал, Сити го „демолираа“ Спортинг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.