Столе Димитривски и на третиот натпревар против Барселона успеа да го одбрани својот гол. Рајо Ваљекано на отворањето на сезоната во примера, на „Ноу Камп“ во Барселона одигра 0:0 против Барселона. Минатата сезона Рајо Ваљекано два пати со по 1:0 ја победи Барселона.

Засилувањата кои пристигнаа во Барселона во летниот преоден рок, со исклучок на жил Кунде, дебитираа пред домашните фанови, но не успеаја да го демонстрираат својот квалитет.

Рафиња и Кристенсен беа заменети во второто полувреме, Левандовски имаше само една шанса, а Кеси на теренот влезе во финишот на натпреварот.

Во текот на целиот натпревар играчите на Барселона најчесто се обидуваа со удари од далечина. На крајот Барса упати 15 удари кон голот на Димитриевски, голманот на Рајо забелеѓа шест одбрани.

Рајо воопшо не беше наивен противник, првите две чисти шанси ги имаа играчите на Андони Ираола. Гарсија во ситуација „еден на еден“ не успеа да го совлада Тер Штеген, Германецот го одбрани неговиот удар во финишот на првиот дел, а во второто полувреме Камељо немаше сили да ја заврши акцијата.

Најдобрата шанса за Барса ја имаше Обамејанг, кога Димитиревски беше совлада, меѓутоа Каден успеа да интервенира пред гол линија.

Барселона со играч помалку го заврши натпреварот. Во 94.минута капитенот Бускетс го доби вториот жолт картон.

Динамо Загреб го победи најголемиот ривал Хајдук со 4:1, во дербито одиграно во рамките на петтото коло, во шампионатот на Хрватска. По гол во дербиот постигнаа македонските репрезентативци Јани Атанасов и Аријан Адеми.

Атанасов, во втората минута од судиското надополнување на времето во првиот дел, со евро-гол го шокираше „Максимир“.

Динамо направи пресврт за само три минути, во 61.минута Батурина израмни, а во 64. Адеми погоди за водство 2:1.

Гојак во 84.минута ја зголеми предноста на „модрите“, а конечните 4:1 ги постави Оршиќ во 91.минута.

Интер и Торино со идентични гостински победи (2:1) ја започнаа новата сезона во Серија А. Торино рутински славеше кај дебитантот Монца, додека Интер во 95.минута дојде до победата во Лече.

Две минути му беа потребни на Ромелу Лукаку да постигне гол,во својот кам-бек во Серија А. Лече израмни преку Асан во 48.минута.

Од тој момент Интер тргна во целосна офанзива. Инзаги последните 20 минути ги одигра со четворица напаѓачи, но победата им ја донесе десниот дек Дензел Дамфрис во 95.минута.

Торино во Монца дојде до предност во 43.минута со голот на Мирначук. Репрезентативецот на Русија постигна гол во својот деби настап за Торино. Санабрија ја зголеми предноса во 66.минута.

Почесниот гол за Монца, кој воедно е прв за овој тим во Серија А го постигна Дани Мота во 94.минута.