Портпаролката на руското МНР, Марија Захарова, рече дека не е паметна изјавата на хрватскиот фудбалски репрезентативец, Домагој Вида, кој по натпреварот со Русија во видеопорака извика: „Слава за Украина!“. Захарова додаде и дека политиката и фудбалот не треба да се мешаат.

Меѓународната фудбалска федерација (ФИФА) изрече предупредување за хрватскиот одбранбен играч, но и за членот на стручниот штаб, Огњен Вукоевиќ, бидејќи по четвртфиналниот натпревар на Светското првенство преку социјалните мрежи испратија порака до пријателите во Украина во која викаат „Слава на Украина“ и „За Динамо и за Украина“.

Во изјава по полуфиналната победа над Англија, Вида се извини за видеото опишувајќи го како грешка.

Поранешниот играч на украинскиот клуб Динамо Киев во претходна изјава рече дека пораката не требало да биде политичка.

И Вида и Вукоевиќ значаен дел од играчката кариера минаа во Украина, а од Хрватскиот фудбалски сојуз објавија дека пораките биле само одговор на многуте пораки на поддршка што овие двајца ги добивале од украинските симпатизери во текот на Светското првенство.

Фудбалскиот сојуз, сепак, го предупреди Вида за видеото, а Вукоевиќ го отстрани од стручниот штаб.

Фудбалерите на Бразил по враќањето од мундијалот во својата татковина се соочија со гневот на навивачите, кои сметаат дека нивните репрезентативци прерано го завршија настапот на Светското првенство во Русија.

Имено, разочарани бразилски фанови го дочекаа автобусот што ги пренесуваше фудбалерите и започнаа кон него да фрлаат камења и други предмети.

Бразил беше голем фаворит за освојување на титулата, но во четврт-финалето сепак беше елиминиран од Белгија.

Бразилците не можеа да се помират со раната елиминација, па целиот бес го истурија врз автобусот, но, за среќа, никој од играчите или стручниот штаб не доби повреда.

Бразил, и по ова првенство, ќе остане земја со најмногу освоени светски титули бидејќи има пет, а репрезентациите, што се веднаш по неа, Италија и Германија, со по четири освоени титули, не се пласираа на ова првенство, односно Германија испадна уште во групната фаза.

Руската репрезентација со убедлива победа од 5:0 против Саудиска Арабија на отворањето на светското првенство во фудбал, кое вечерва почна во Москва. Натпреварот се играше на московскиот стадион Лужники.

Уште во 12 минута Русите го отворија натпреварот со голот на Газински, кој со асистенцијата на Головин и со глава успеа да го надмудри голманот на Саудиска Арабија. Денис Черишев згоелми на 2:0 со прекрасен гол, кој го даде две минути пред крајот на првиот дел.

На 3:0 зголеми напаѓачот на Зенит, Дзјуба во 71. минута, а последните два гола на домаќините беа вистинск ремек дело. Најпрво Черишев во 91. минута со одличен удар зголеми на 4:0, а конечниот резултат го постави Головин со гол од слободен удар.