Контакт

Меѓународен

Последно одбројување до почетокот на Евробаскет 2015

Објавено пред

Европското првенство во кошарка, кое првпат во историјата ќе се игра во четири држави (Хрватска, Франција, Германија, Латвија) ќе започне вo сабота од 15 часот со натпреварите Полска – БиХ во А групата, Германија – Исланд во Б групата, Грузија – Холандија во Ц групата, додека дуелот во Д групата меѓу Чешка и Естонија ќе започен во 15.30 часот.

dobivaj vesti na viber

Група Ц: (Македонија, Хрвтска, Грција, Грузија, Словенија, Холандија)

Македонската кошаркарска репрезентација на 40-то Европско првенство ќе партиципира во Ц групата, натпреварите ќе ги игра во Загреб, а вo сабота противник на ‘црвено-жолтите’ ќе им биде Грција (18 часот).

Според сите прогнози, Грција е најголемиот фаворит за освојување на првото место Ц групата, за второто ќе се борат Хрватска и Словенија, а Македонија заедно со Грузија и Холандија ќе конкурира за четвртата позиција која носи пласман во наредната рунда.

Евробаскетот 2015 е четвртото по ред континентално натпреварување на кое учествуваат македонските кошаркари, вкупно петто во историјата за мак-кошарката (1999, 2009, 2011, 2013), но за разлика од претходните две првенства составот на ‘црвено-жолтите’ е видно изменет.

Поради смената на генерации, од поискусните во репрезентацијата останаа Владо Илиевски, Предраг Самарџиски, браќата Стојановски, Дарко Соколов. Токму поради составот, но и поради смената на селекторот на три дена пред почетокот на подготовките, во Македонската кошаркарска федерација (МКФ) оценија дека секоја победа на ЕП ќе биде успех, а пласман во втората фаза бил рамен на освоен медал.

Грција по подолго време на едно големо натпреварување ќе настапи со она што е во моментов најдобро во нивната кошарка. Репрезентацијата ќе ја предводи Василис Спанулис, еден од најдобрите европски плејмејкери во изминатите пет години, но сите очи ќе бидат вперени во младиот Јанис Адетокумбо кој зад себе има одлична сезона во Милвоки Бакс.

Хрватска како домаќин на групата може да се надева на освојување на првата позиција, бидејќи има одличен тим и ќе ја има поддршката од трибините. Имињата на Шариќ, Томиќ, Хезоња, Богдановиќ ја ставаат Хрватска меѓу фаворитие за влез во завршницата на ЕП.

Словенија е непознаница за противниците, бидејќи на овој Евробаскет ќе игра без својот најдобар играч, ѕвездата на Мајами Хит, Горан Драгич. Неговото отсуство ќе треба да го надополни неговиот брат Зоран, оносно помладата гарда која ја предводат Препелич, Клобучар и Омич.

Грузија има респектабилен состав со еден НБА игра, Заза Пачулија и уште неколкумина кои редовно играат во Евролигата (Маркоишвили, Шенгелија, Саникидзе).

Холандија е голема мистерија за сите во групата, но со самото тоа што на ЕП се пласираа откако ја елиминираа Црна Гора говори дека доколку некој ја потцени оваа селекција може да биде немилосрдно казнет.

Распоред на натпреварите, Група Ц:

05.09: Грузија-Холандија (15 ч), Македонија-Грција (18 ч), Хрватска-Словенија (21 ч)

06.09: Македонија-Холандија (15 ч), Словенија-Грузија (18 ч), Хрватска-Грција (21 ч)

08.09: Словенија-Холандија (15 ч), Грција-Грузија (18 ч), Македонија-Хрватска (21 ч)

09.09: Грција-Словенија (15 ч), Македонија-Грузија (18 ч), Хрватска-Холандија (21 ч)

10.09: Македонија-Словенија (15 ч), Грузија-Хрватска (18 ч). Словенија-Грција (21 ч)

Група А: (Франција, Русија, БиХ, Финска, Полска, Израел)

Французите како апсолутни фаворити во А групата ќе ја започнат одбраната на титула која ја освоија на претходното ЕП во Словенија. ‘Триколорите’ во чија земја ќе се игра завршницата на шампионатот се едни од најголемите фаворити за златниот медал. Франција во тимот има шест кошаркари кои играат во НБА лигата, предводена е од Тони Паркер. Колку е моќен францускиот состав говори и податокот дека место во тимот немаше за плејмејкерот Томас Ертел, кој лани беше еден од најзаслужните за освоениот бронзен медал на Светското првенство.

Останатите селекции, кои според квалитетот се речиси идентични, ќе се борат за пласман од втората позиција надолу.

БиХ на ова ЕП е без своите најдобри играчи Телетовиќ, Нуркиќ и Џедовиќ, Русија без вистинска ѕвезда, Полјаците сите надежи ги полагаат во центарот на Вашингтон Марчин Гортат, исто како и Израелците кои го имаат Омри Каспи од Сакраменто Кингс, додека играта на Финска не отстапува од хаотиччната и брза игра и сé уште таму се се врти околу Копонен и Салин.

Распоред на натпревари, Група А:

05.09: Полска-БиХ (15 ч), Израел-Русија (17.30 ч), Франција-Финска (21 ч)

06.09: Русија-Полска (15 ч), Финска-Израел (17.30), Франција-БиХ (21 ч)

07.09: Финска-Русија (15 ч), Израел-БиХ (17.30), Франција-Полска (21 ч)

09.09: БиХ-Финска 915 ч), Полска-Израел (17.30), Франција-Русија (21 ч)

10.09: Финска-Полска (15 ч), БиХ-Русија (17.30), Франција-Израел (21 ч)

 

Група Б: (Германија, Србија, Шпанија, Турција, Италија, Исланд)

На секое големо натпреварување постои група која според квалитетот на екипите е посилна од останатите, на 40-то ЕП тоа е Б групата чии натпревари ќе е играат во Берлин.

Во оваа група се сместени европскиот и светскиот вицепрвак Шпанија и Србија, Германија со НБА играчите Шредер и Новицки, Италија која по долги години има тим кој може да се бори за медал, Турција која со Ерсан Иљасова и Боби Диксон, додека Исланд е тотален аутсајдер.

Шпанците на ова ЕП се хендикепирани откако настапот го откажаа Наваро, Калдерон, Рубио и помладиот од браќата Гасол, но и покрај тоа ‘црвената фурија’ е меѓу фаворитие за медал.

Србија квалитативно има подобар тим од оној кој пред една година на Мундијалот во Шпанија стигна до финалето и второто место. Играта и натаму се врти околу тандемот Теодосиќ – Бјелица, а младите по Мундијалот се поискусни за едно големо натпреварување.

Италија десет години не значи ништо на европската кошаркарска мапа, но актуелниот состав може да ги вметне ‘азурите’ во борба за медалите. Во тимот ќе бидат тројцата НБА играчи (Галинари, Барњани, Белинели) и доскорешниот челен на Денвер, сега на Фенербахче, Датоме. Со играчите од домашниот првенство и Американецот Хекет италијанскиот тим може да се надева на висок пласман.

Германија повеќе од една деценија играта ја базираше врз Дирк Новицки, но на ова ЕП Диркенштај има 37 години и тешко е да се верува дека ќе може сам да го понесе товарот, како што направи во 2005 година кога сам ја однесе Германија во финалето на ЕП во Белград. Поддршка на Новицки треба да му пружат Денис Шредер играчот на Атланта и екс центарот на Барслеона, Тибор Плајс.

Турците имаат добар тим, но тие секогаш се подобри кога играат на домашен терен. Иљасова заедно со Диксон и момчето родено во Охрид, Чеди Осман, треба да ја движат играта на репрезентацијата. Инаку Турците имаа бурно лето откако селекторот Атаман имаше остри расправии со челниците на Фенербахче, кои во еден момент и се заканија дека ќе ги повлечат своите играчи од репрезентацијата, но на крајот тоа не се случи.

Исланд во една ваква конкуренција едноставо е тотален аутсајдер. За Исланѓаните и самиот пласман на ЕП е огромен успех, но и доказ дека 24 репрезентации се премногу за Евробаскетот. Најпознато име кај Исланд е Јон Стефансон кој минатата сезона играше во Евролигата со Уникаха, а во квалификациите се истакнаа уште Хердур Вилхамсон и Логи Гунарсон.

Распоред на натпревари; Група Б:

05.09: Германија-Исланд (15 ч), Шпанија-Србија (18 ч), Турција-Италија (21 ч)

06.09: Германија-Србија (15 ч), Исланд-Италија (18 ч), Шпанија-Турција (21 ч)

08.09: Србија-Исланд (14:30 ч), Германија-Турција (17.45), Шпанија-Италија (21 ч)

09.09: Турција-Србија (14:30 ч), Италија-Германија (17.45 ч), Исланд-Шпанија (21 ч)

10.09: Италија-Србија (14:30 ч), Германија-Шпанија (17.45 ч), Турција-Исланд (21 ч)

Група Д: (Латвија, Литванија, Естонија, Чешка, Украина, Белгија)

Според имињата Д групата е најизрамнетата, но и најнеатрактивната група на Евробаскетот. Белгија, Украина и Чешка ќе се обидат да им ги расипат сметките на балтичките репрезентаци.

Јасно е дека најголем фаворит за првата позиција е Литванија, која е предводена од Валанчиунас и Мачиулис, Летонија ќе се обиде да ги изнедади Литванците, Украина го има најмладиот тим на првенството, ниту еден играч нема повеќе од 28 години, Чесите сите погледи ги насочуваат кон Весели (Фенербахче) и Саторански (Барселона), додека Есотнија барем на хартија е најслабиот тим во оваа група.

Распоред на натпревари, Група Д:

05.09: Чешка-Естонина (15.30 ч), Белгија-Латвија (18.30), Литванија-Украина (21.30)

06.09: Естонија-Белгија (15.30 ч), Латвија-Литванија (18.30 ч), Чешка-Украина (21.30 ч)

07.09: Литванија-Белгија (15.30 ч), Чешка-Латвија (18.30 ч), Украина-Естонија (21.30)

09.09: Белгија-Чешка (15.30 ч), Латвија-Украина (18.30), Естонија-Литванија (21.30 ч)

10.09: Украина-Белгија (15.30), Латвија-Естонија (18.30), Литванија-Чешка (21.30)./крај/мф/нц

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Меѓународен

Како од Македонија да дојдете до билет за Вимблдон

Објавено пред

Вимблдон, зад сцената

dobivaj vesti na viber

Ако после прочитаниот наслов, веднаш влеговте во „филм“ како сте на Вимблдон, гледате тенис и јадете јагоди со шлаг, пред да продолжите со читањето, најпрвин расчистете со две работи: прво, ако добивањето британска виза ви е невозможна мисија, тогаш овој текст не е наменет за вас. И, второ, веднаш заборавете дека присуството на тенискиот турнир, значи и можност дека ќе најдете начин да купите билет за машкото финале. Во моментов тој чини од 10.000 евра нагоре, но го нема во продажба. Сè помеѓу овие две крајности, е реална опција за секого на светот, па и за било кој Македонец, желен да присуствува и гледа тениски мечеви на Вимблдон.

Но, да тргнеме со ред, додуша, обратен, а тоа е дека имате виза и билет и сте се упатиле кон Лондон. Вообичаено, тенискиот турнир се оддржува секоја година во последната седмица од јуни и првата од јули (но, не и оваа година). Од која год страна да го нападнете Лондон, односно дали кон центарот ќе се приближувате од Хитроу, Гетвик, Лутон или Станстед, прво што ќе ви падне во очи, движејќи се од периферијата кон центарот и Пикадили, е дека и на еден ден пред почеток на турнирот, но и за сите четиринаесет дена додека трае турнирот, во Лондон нема да забележите никаков билборд, реклама или било каква најава, која ќе ви сугерира дека во градот се одржува најстариот и најпрестижен тениски турнир во светот. Од друга страна, на сите страни ќе ве опкружуваат знамиња со бои на виножито, бидејќи периодот кога се одржува тенискиот турнир, се поклопува со т.н. Месец на гордоста. Се чини, како остатокот од светот повеќе да го почитува и е опседнат со турнирот, отколку самиот град кој е домаќин.

Инаку, Вимблдон е населба во Лондон, исто како, на пример, мојата Кисела Вода во Скопје. Дури кога ќе пристигнете во оваа населба, ќе забележите турнирски знамиња, постери, големи жолти тениски топки и убаво декорирани саксии со цвекиња во пурпурна боја, која е карактеристична боја за турнирот. Да, пурпурната, а потоа темно зелената, но не и белата. Сепак, и тука паралелно ќе ги гледате и знамињата на

виножито, па оправдано ќе се прашате: зошто во остатокот на Лондон нема знамиња на Вимблдон, а во Вимблдон има знамиња со боја на виножитото.

Самиот комплекст на тениските игралишта се наоѓа во таканареченото Вимблдонско село, и сите осумнаесет терени се сконцентрирани едни покрај други, а сè заедно е заградено со висока ограда, така што влез внатре во селото е можен само со билет или пропусница. Значи, дојдовме до клучното прашање од почетокот на текстот – како да се набави билет.

Првата можност (која е тешко спроведлива за некого кој живее во Македонија, но не и за Македонец во Лондон) е преку гласачки ливчиња. Тоа значи дека поголемиот дел од билетите ѝ се продаваат на пошироката јавност со јавно гласање што го одржува Ол Ингланд Клубот во јануари секоја година. Апликациите се испраќаат во текот на цел декември. Успешните апликанти се избираат по случаен избор на компјутер и оној кој ќе биде избран има временски рок до кога треба да го купи доделениот билет. Проценките се дека при изборот, за секој билет има по четворица кандидати. Она што е важно да се знае е дека местата и деновите за кои ви се однесува билетот се распределуваат по случаен избор, така што вие плаќате билет, без да знаете за кој ден и кој натпревар се однесува.

Втората можност, која е пореална за тенискиот ентузијаст од Македонија, е да се купи билет за целиот комплекс на Вимблдонското село, што ви овозможува цел ден да ги гледате тениските натпреаври на сите стадиони, освен на оние за кои е потребен посебен билет, а тоа се Централниот терен, Теренот број еден, два, три и четири (иако и за нив организаторот знае дневно да пушти по стотина билети во продажба).

Како и да е, ви остануваат на располагање повеќе од десетина игралишта на кои цел ден можете да гледате тенис, јадете јагоди со шлаг и пиете Пимс (газиран алкохолен пијалок од џин и пунч, привлечен на изглед, но грозен на вкус. Како декорација на чашата, каде обично се става лимета или портокал, на Вимблдон го служат со округло исечено парче краставица. Среќа што е свежа, а не кисела). Таквиот билет во првата седмица чини околу 30 фунти (да, добро прочитавте, околу 35 евра) ако го купите на почеток на денот, а може да падне и на пет фунти(!) ако го платите при крај на денот, кога повеќето мечеви се завршени или се при крај. Во втората седмица овие билети се уште поевтини. Звучи парадоксално, но има логика: иако втората недела се играат поквалитетни натпревари, тогаш нивниот број е многу помал од првите седум

турнирски денови, кога мечевите започнуваат од 11 часот, и се играат до почеток на стемпување, околу 21 часот.

Но, тоа што се ефтини овој вид на билети, значи дека е многу потешко да се дојде до нив. Ако за гласачките ливчиња односот беше четири апликанти за еден билет, овдека проценката слободно може да биде и десетина кандидати за еден билет. За да добијат пристап до овие терени, фановите, вообичаено, треба да чекаат во ред преку ноќ. Најупорните доаѓаат некаде околу 22 часот за изутрината да бидат меѓу првите пред касата.

Чекањето за билети на Вимблдон е претворено во класично кампување, со шатори, полска опрема, вреќи за спиење и тука можете да сретнете луѓе од целиот свет. Локалците ги сметаат за скитници, иако тие го вреднуваат таквото искуство, па, и по цена да не успеат да купат билет. Следната година повторно ќе пробаат. Некои пробуваат и по пет години и се безуспешни.

Оние среќните, кои ќе дојдат до такви целодневни билети и се наоѓаат внатре во Вимблдонското село, имаат можност да купат билети на препродажба за Централниот и Стадионот број еден. Шемата е следна: на гледач кој решил порано да го напушти мечот, неговиот билет се скенира и местото како слободно се става на препродажба до завршување на натпреварот. Цената на таквиот билет е симболична 10-15 фунти, а парите се наменети за хуманитарни цели. За Инстаграм его триповите многу поефтино, отколку што ќе потрошат во некој скопски клуб, за да снимат селфи.

Последната можност да дојдете до билет и тоа за главните терени и за блокбастер мечевите е татко ви да е ЦЕО или член на бордот на Најк, Адидас, Ролекс, Јагуар, Шлезингер, Евиан и други партенри на турнирот, па да ви го даде гратис.

Има уште една опција, многу поблиска за читателите на Макфакс и Топспорт, а тоа е лично да го познаваат авторот на овој текст. Секој мај, акредитираните странски известувачи од Вимблдон добиваат понуда од организаторот да аплицираат за билети за главните терени и доколку барањето им биде одобрено, билетите ќе можат да ги продадат на пријатели. Но, исклучиво по куповна цена. Доколку има заинтересиран, нека ми се обрати во втората половина на наредниот мај. А, до тогаш, нека бара начин како да ја преброди визната бариера.

Од специјалниот известувач од Вимблдон

Ненад Живановски

Прикажи повеќе...

Меѓународен

Фудбалската бајка за Меси заврши со светска титула по пенал-серијата против Франција

Објавено пред

По едно неверојатно драматично финале, Аргентина ја освои својата трета светска титула, победувајќи ја Франција на пенали со 4:2 по неверојатните 120 минути во кои беше 3:3, за Лео Меси, конечно, да ја круниса својата фантастична кариера со најголемиот трофеј во фудбалот.

dobivaj vesti na viber

На моменти на финалето во Доха изгледаше дека Аргентинците не можат да загубат, но Франција секогаш успеваше начин да се врати, предводени од хет-трикот на Килијан Мбапе, за на крајот трофејот да се одлучува во пенал-серијата, каде што Аргентинците беа безмилосни и постигнаа четири гола, додека Кингсли Коман и Орелиен Чуамени не дадоа голови.

Аргентина имаше 2:0 водство по само 36 минути игра, откако Лео Меси со гол од пенал и „џокерот“ Анхел ди Марија ја крунисаа одличната игра и тоталната „блокада“ на Французите. Откако првпат упатија удар на голот на противникот по повеќе од час игра, Французите направија неверојатен камбек – за 95 секунди Килијан Мбапе даде два гола, еден од пенал и еден од игра, за да се отиде во продолженијата. И во продолженијата не недостасуваше драма – Лео Меси го постигна својот втор гол и до трофејот ги делеа 10-тина минути, пред да биде досуден уште еден пенал, кој Мбапе го реализираше за 3:3.

Во пенал-серијата, Мбапе повторно како прв беше прецизен, пред истото да го повтори Меси, но потоа обидот на Коман беше одбранет од Емилијано Мартинез, додека Чуамени шутна покрај голот за славје на Аргентинците.

Прикажи повеќе...

Меѓународен

Утре почнува тенискиот турнир во Вимблдон

Објавено пред

Од специјалниот известувач од Вимблдон

dobivaj vesti na viber

Во понеделник во Лондон започнува 135-то издание на најстариот тениски турнир Вимблдон, кој, многумина тенисери, го сметаат и за неофицијално светско првенство. Во наредните две седмици, најдобрите светски тенисери и тенисерки ќе се обидат да триумфираат во некоја од петте категории: машка, женска, игра во двојки и микс двојки.

За главен фаворит за освојување на третиот овогодишен гренд-слем турнир се смета минатогодишниот победник, Србинот Новак Ѓоковиќ, а, после него, ланскиот финалист, Италијанецот Матео Беретини. Вториот носител на турнирот, и освојувачот на двата овогодишни гренд-слемови, Рафаел Надал, доста е потценет од букмејкерите и се смета за трет кандидидат за победник на турнирот. Својот напад на седмата вимблдонска титула и 21-от гренд-слем, индиректно го најави и Новак Ѓоковиќ во изјавата за Макфакс и Топспорт дека е задоволен како му поминале подготовките, дека тие биле со ист квалитетни како и минатата година и дека се надева дека далеку ќе стигне на турнирот.

Наспроти очекувањата, како и секоја година, можни се изненадувања и некој од фаворитите да биде елиминиран од послабо рангираните тенисери, особено во првата седмица од мечевите. Таков неславен пример на последните два Вимблдона беше грчкиот тенисер Стефанос Циципас, кој, иако доаѓаше на турнирот рангиран меѓу првите десет тенисер, испаѓаше уште во првото коло. Шанса за успех за тенисерите од сенка да направат изненадување се гледа и во одлуката на организаторот да не им дозволи да настапуваат претставниците од Русија и Белорусија, така што првопласираниот на АТП листата, Русинот Даниел Медведев нема да биде присутен на зелените терени, исто као и второпласираниот, Германецот Александар Зверев, кој, поради повреда во полуфиналето на Роланд Гарос, исто така, ќе биде отсутен. Иако далеку од некогашната форма, своја желба да игра во финалето, најави и миленикот на домашната публика Енди Мареј.

Во женска конкуренција, најмногу шанси ѝ се даваат на првата тенисерка на светот Иги Швојтек од Полска, додека далеку зад неа се шампионката од 2019., Романката (со македонски корени), Симона Халеп и седмократната победничка на Вимблдон, Серана Вилијамс од САД. Женската конкуренција е далеку понепредвидлива од машката, така што можни се непредвидливи мечеви уште од првиот ден, па до самото финале.

Како и минатата година, единствен претставник од С. Македонија ќе биде осумнаесетгодишниот Калин Ивановски, кој ќе настапи во јуниорска конкуренција.

Наградниот фонд оваа година е зголемен на рекордни 40,35 милиони фунти, што е за 11 посто повеќе од 2021., кога тој изнесуваше 38 милиони фунти. Победниците во поединечна машка и женска конкуренција ќе добијат по два милиони фунти (2,35 милиони евра). Паричната награда е и единствеата сатисфакција за играчите, бидејќи оваа година асоцијациите АТП и ВТА нема да доделуваат поени на тенисерите и тенисерките, поради одлука на организаторите на Вимблдон да им забранат учество на натпреварувачите од Русија и Белорусија.

Од најпрестижниот тениски турнир ќе известуваат околу 550 новинари од над 50 земји. Како и на Вимблдон во 2019. и 2021., и оваа година Макфакс и Топспорт ќе имаат свој известувач од сите четиринаесет дена додека се одржува турнирот.

Ненад Живановски

Прикажи повеќе...

Најново

Македонија3 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет3 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет4 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија4 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион4 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет4 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет4 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија19 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија20 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија21 час

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија23 часа

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија23 часа

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...

Регион1 ден

Трае потрагата по исчезнатото двегодишно девојче во Србија

Трае потрагата по двегодишното девојче, кое исчезна вчера околу 13.45 часот во приградската населба Бањско Поле, недалеку од Бор во...

Свет1 ден

Израел во текот на ноќта жестоко го бомбардира јужниот дел на Газа: „Луѓето умираат само за да добијат конзерва туна“

Израел во текот на ноќта интензивно го бомбардираше јужниот дел на Појасот Газа, и покрај меѓународниот притисок за итен прекин...

Свет1 ден

„Не веруваме дека ќе ги пронајдеме живи“: Запрена потрагата по исчезнатите лица по уривањето на мостот во Балтимор

Спасувачките екипи ја прекинаа потрагата по шест лица исчезнати по уривањето на мостот во Балтимор, бидејќи се претпоставува дека се...

Македонија1 ден

Османи со дипломатскиот кор за четвртата годишнина од членството на Македонија во НАТО

Со цел одбележување на 4-та годишнина од членството на Северна Македонија во НАТО, министерот за надворешни работи, Бујар Османи, денеска...