Спорт
Менаџерот на Сала жестоко го нападна „Кардиф Сити“
„Кардиф Сити“ ја изненади јавноста со објавата дека не сака да го плати обесштетувањето за Емилијано Сала. Кардиф го купи Аргентинецот од „Нант“ за 17 милиони евра, што е клупски трансфер-рекорд. За жал, Сала загина во авионска несреќа на 21 јануари кога беше на пат кон Кардиф, каде што требаше да им се приклучи на новите соиграчи.
Клубот нема намера да го исплати „Нант“, иако Сала потпиша договор со „Кардиф“ и се фотографираше во дресот на „Кардиф“.
Карди и сопственикот Винсент Тан се обидуваат да докажат менаџерот на фудбалерот, Вили Меккеј, ги измамил и ги натерал да го реализираат овој трансфер. Тие тврдат дека доколку го сакаат Сала во своите редови ќе мора веднаш да реагираат бидејќи за него биле заинтересирани уште неколку екипи (Вулверхемптон, Кристал Палас, Фулам и Барнли)
Вчера, „Кардиф„ преку медиумите упати апел до овие тимови и побараа помош за да докажеле дека четирите клуба не покажувале интерес за Сала.
„Мојата совест е чиста. Не можам да поверувам што се обидуваат да направат Тан и неговите луѓе. Кардиф со овие тврдења не ја покажува класата на клуб што игра во Премиер лигата. Се обидуваат да ме претстават како измамник и да ми ја уништат кариерата. Летовите за Сала беа договорени во Кардиф, зошто не ја кажат вистината. Решија мене да ме жртвуваат, но јас нема лесно да се предадам“, рекол Меккеј.
Тан и Кардиф се надеваат на некаква помош од тимовите, но сето тоа ќе мора да го докажат низ судска постапка бидејќи од „Нант“ најавија дека ќе тужат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.