Спорт
Мерцедес го покажаа наследникот на шампионот, Ред бул со радикален дизајн во 2019 (галерија)
Мерцедес го претстави својот нов болид W10, со кој „сребрената стрела“ сака да го повтори успехот од последните пет сезони кога тимот ја освојуваше двојната титула, кај возачите и кај конструкторите.
Иако се очекуваше поголема промена на дизајнот, очигледно победничката формула не се менува со малку отстапувања од нормата. Сепак, деталите како покривката на моторот мораа да бидат сменети поради сменетите технички регулативи и шефот Тото Волф вели дека ги очекува голем предизвик.
„2019 ќе биде голем предизвик за нас, бидејќи правилата се сменети и почнавме со дизајнот на болидот од нула. Сите почнуваме без поени и ништо нема да ни биде подарено“, вели Волф.
Светскиот шампион Луис Хамилтон потоа го возеше болидот на патеката во Силверстоун пред стартот на зимското тестирање следната недела. Тимот останува со непроменет возачки состав, со Хамилтон и со Валтери Ботас.
It’s here ? What do you all think of the new livery this year?! ?? I am seriously excited to be driving this car for the first time today! Stick around for more…✨ #WelcomeW10 @MercedesAMGF1 pic.twitter.com/lb2IkwK3TV
— Lewis Hamilton (@LewisHamilton) February 13, 2019
First laps in the bag ? W10 looking right at home on track! #WelcomeW10 ✨✨✨ pic.twitter.com/M41Ns0oTHe
— Mercedes-AMG F1 (@MercedesAMGF1) February 13, 2019
Додека Мерцедес се одлучија за континуитет, Ред бул рејсинг претставија радикално поинаков болид за 2019 година, во која се надеваат дека ќе ја сопрат доминацијата на Мерцедес. „Бикот“ оваа сезона почнува со соработката со Хонда, по долгото партнерство со Рено, а покрај тоа Пјер Гасли ќе го замени Даниел Рикардо како партнер на Макс Ферстапен.
Иако се работи за специјални бои на шасијата, кои најверојатно нема да бидат користени во сезоната , сепак, мора да се забележи дека се работи за прекрасна варијанта.
Адријан Њуи, славниот дизајнер кој освојуваше титули со Вилијамс, Мекларен и Ред бул, повторно е водечка сила на дизајнот на тимот, и сега е време да се оправдаат очекувањата.
The new #RB15 ??. Your thoughts? #RedBullRacing pic.twitter.com/rP0LPfSX07
— Max Verstappen (@Max33Verstappen) February 13, 2019
Unleashing the #RB15 for the very first time! ?? pic.twitter.com/YVJKbNxvUo
— Red Bull Racing (@redbullracing) February 13, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.