Евертон доживеа тежок удар на натпреварот со Вест Хем. „Карамелите“, загубија на домашен терен (0:1) и останаа без најдобриот играч од почетокот на сезоната, Абдулај Докуре.

Фудбалерот кој во Премиер лигата, од почетокот на сезоната, постигнал два гола и забележал четири асистенции, на натпреварот со Вест Хем, доживеал фрактура на метатарзалната коска во стапалото.

Докуре ќе биде опериран и го очекува повеќе неделна пауза.

Повредат на Докуре само ги зголеми проблемите со кои се соочува Рафа Бенитез. Шпанскиот тренер од претходно не може да смета да Доминик Калверт-Луин и Ришарлисон.

Мауро Икарди и Ванда Нара ги полнат страниците во жолтитот печат. Сопругата на Икарди го напушти Париз, се врати во Милано, откако ја откри аферата која сопругот ја имал со актерката Еухенија Суарез.

Икарди, во неделата, побарал дозвола од клубот да не тренира и заминал во Милано за да го спаси бракот. Тој објави заедничка фотографија, но ден подоцна Ванда Нара, објави фотографија на која покажува дека повеќе не ја носи бурмата.

Ванда Нара и покрај обидите на фудбалерот сака да се разведе од него. Медиумите тврдат дека доколку дојде до постапката за развод, тие ќе треба да поделат 60.000.000 евра.

Икарди, од друга страна не се откажува, смислил план како да си ја врати назад сопругата. Планот е поврзан со парите. Радиото Монте Карло, тврди дека тој бил подготвен да го раскине договорот со ПСЖ, доколку сопругата не се откаже од разводот.

Ванда Нара е менаџерот на Икарди, таа го договори неговиот трансфер во ПСЖ, на договорот стои нејзиниот потпис. Во случај фудбалерот да го раскине договорот, Ванда ќе мора да му плати обесштетување од неколку милиони евра на клубот.

Маури Икарди во ПСЖ има годишна плата од 12.000.000 евра, неговиот договор истекува во јуни 2023 година.

🚨⚽️ | NEW: Mauro Icardi has threatened to leave PSG if his wife Wanda Nara doesn’t return to him

Via @RMCsport

— Football For All (@FootballlForAll) October 19, 2021

Премиерната Ф1 трка во Саудиска Арабија, на 5.декември, ќе се одржи без ограничувања, објавија организаторите. Во продажба ќе бидат пуштени сите билети, и покрај тоа што претходно беше најавено дека ќе биде исполнет само 40 отсто од капацитетот на трибините.

Саудијците подготвуваат вистински спектакл. Ангажирале големи музички ѕвезди, кои ги предводи Џастин Бибер. Покрај него ќе настапат Џејсон Дерул, Дејвид Гета, Асап Роки и Тиесто.

Сите оние кои ќе купат карта за трката ќе можат да присуствуваат на концертите.

Трката за Големата награда на Саудиска Арабија ќе се вози во Џеда. Таа ќе биде претпоследна во сезоната. Последна трка е Абу Даби на 12.декември.