Спорт
Меси постави два рекорди, Барса на само 4 поени зад Атлетико
Лионел Меси го одигра својот 767. меч во дресот на Барселона, израмнувајќи го рекордот на својот поранешен соиграч Чави Ернандез, и постигна два прекрасни голови при 4:1 победата над Уеска со која каталонскиот клуб се доближи на само четири поени од лидерот Атлетико Мадрид на 11 кола пред крајот на шпанскиот шампионат. Меси исто така стана единствениот фудбалер во историјата на топ 5 лигите, кој има постигнато над 20 голови во 13 сезони едноподруго.
Исходот на мечот беше одлучен со два прекрасни голови во првото полувреме – прво Меси во 13. минута, а потоа и Гризман во 35. минута, пред фенерџијата Уеска да намали на 2:1 во судиското продолжение од полувремето со гол од пенал на Рафаел Мир. Оскар Мингуеза по асистенцијата на Меси во 53. минута зголеми на 3:1, пред во 90. минута Меси да го постигне и својот втор гол.
Со четвртата победа во низа, Барселона се врати на второто место на табелата со 59 поени, четири помалку од Атлетико Мадрид и два пред Реал Мадрид, и овојпат трите фаворити имаат идентичен број на одиграни натпревари (27). Уеска борбата за опстанок ќе ја бара против друг противник – тие се последни со 20 поени, четири помалку од Елче, кои се на првото место кое нуди опстанок.
Легендите му се поклонија на легендата Меси – го почна 767. натпревар за Барса
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баер Леверкузен заинтересиран за фудбалер на Реал Мадрид
Баер Леверкузен има фантастична сезона. Избраниците на тренерот Чаби Алонсо ја освоија Бундеслигата и ставија крај на 11-годишната доминација на Баерн, тие се пласираа во финалето на германскиот куп, противник ќе им биде Кајзерслаутерн, а во Лига Европа, во полуфиналето за противник ја добија Рома.
Логично дека постои голем интерес за фудбалерите, кои под водство на Чаби Алонсо немаат пораз на 44 натпревари во сите конкуренции. Тоа значи дека во клубот веќе работат на потенцијалните засилувања.
„Билд“, пишува дека Баер е заинтересиран за Рафа Марин (21), шпански дефанзивец и репрезентативец до 21 година, кој е под договор со Реал Мадрид и оваа сезона е на позајмица во Алавес.
Марин, ги помина сите младински категории на Реал, додека оваа сезона забележа 31 настап како првиот тим на Алавес.
Пјеро Хинкапи и Џонатан Тах се дефанзивци без кои Алонсо би можел да остане и од чија продажба Баер би можел да заработи пари. Од друга страна, за Марин, клубот ќе треба да му плати обесштетување на Реал, бидејќи тој има валиден договор до летото 2026 година.
„Трансфермаркт“, неговата вредност ја проценува на пет милиони евра.
Спорт
Тен Хаг задоволен по победата над Шефилд Јунајтед
Фудбалерите на Манчестер Јунајтед со пресврт слаеа со 4:2 против нјлошиот тим во Премиер лигата, Шефилд Јунајтед на свој терен го пречекаа последно пласираниот Шефилд Јунајтед .
Славниот клуб двапати загуби, но на крајот успеа да победи. Тренерот на Јунајтед, Тен Хаг, по натпреварот рече дека неговиот тим одиграл добар натпревар,
„Имавме целосна контрола! Извинете, јас на поинаков начин г гледав натпреварот. Да, имавме две грешки, затоа двапати губивме. Зборуваме за две негативности, концентрација и дисциплина. Но, во остатокот од натпреварот имавме целосна контрола. Тимот покажа издржливост. Не е лесно кога губиш, но успеавме да направиме пресврт против компактен тим. Ги надигравме, бевме многу мирни“, изјави Тен Хаг и додаде:
„Мораме да го запреме тој процес. Вакви грешки не смее да се прават на врвно ниво ако сакаш да постигнуваш цели, ако сакаш трофеи. Не смеете да дозволите вакви пропусти во концентрацијата и дисциплината, бидејќи животот е многу полесен без нив.“
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.