Спорт
Меси прибра уште еден „Пичичи“ трофеј, Бензема со наградата „Алфредо ди Стефано“
Лионел Меси го доби својот рекорден седми „Пичичи“ трофеј како најдобар стрелец во шпанската Ла лига, поминувајќи го рекордот на легендата на Атлетик Билбао, Телмо Зара од 1940-тите и 1950-тите години.
„Пичичи“ трофејот го доделува шпанскиот спортски весник „Марка“ и е именуван во честа на поранешниот напаѓач на Билбао, Рафаел Пичичи Морено. Иако сезоната 2019/20 беше разочарувачка за Барселона, Меси постигна 25 гола за да го освои трофејот.
„Сакам да се заблагодарам на ‘Марка’ за наградата и навистина е голема работа да се стигне Зара“, изјави Меси откако го доби трофејот од директорот на „Марка“, Хуан Игнасио Галјардо.
Меси првпат беше најдобар стрелец во Шпанија во 2009/10, а ја освои и наградата во 2011/12, 2012/13, 2016/17, 2017/18 и 2018/19.
Сепак, наградата за најдобар играч во 2019/20, трофејот „Алфредо ди Стефано“, не отиде кај Меси, туку кај напаѓачот на Реал Мадрид, Карим Бензема, кој постигна 21 гол минатата сезона и ги предводеше „кралевите“ до титулата во Ла лига. Тој е првиот фудбалер покрај Лионел Меси и Кристијано Роналдо со трофејот по Раул во 2007/08.
„Навистина значи многу да се победат Меси и Роналдо, двајца фудбалери кои имаат толку многу индивидуални награди. Чест е да се биде меѓу нив“, изјави Бензема.
Неговиот тренер, Зинедин Зидан ја подели наградата „Мигуел Муњоз“, која се доделува на најдобриот тренер во лигата, заедно со Хулен Лопетеги, тренерот на Севилја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.