Спорт
Мијатовиќ носталгичен: Да останеше Југославија ќе бевме светски шампиони
Предраг Мијатовиќ, легендата на Реал Мадрид, вели дека ги остварил најголемиот дел од своите соништа, но, жали само на тоа што поранешна Југославија не останала заедно бидејќи така ќе станала светски шампион.
Мијатовиќ потсети на славната југословенска генерација на „Чилеанци“, кои во 1987 година ја освоија младинската светска титула, велејќи дека Хрватска во 1998 година стигна до третото место токму со тие фудбалери.
„Имавме среќа што сме формирани во силната југословенска лига, па и по успехот во Чиле, неколку години игравме во нашата земја. Денеска децата одат прерано во странство и тоа е голем проблем. Не стигнуваат да се формираат како фудбалери, но и како личности. Не сум човек кој жали за минатото, но да останавме заедно, ќе сврзевме три-четири големи натпреварувања и ќе станевме светски шампиони со малку среќа“, вели Мијатовиќ во интервју за српската верзија на „Би-би-си“.
Тој открива дека додека бил фудбалер на Реал, бил фантастичен во тандем со хрватскиот репрезентативец Давор Шукер, сега претседател на Хрватската фудбалска федерација.
„Не ми беше тешко да ги сочувам односите, бидејќи со луѓето од цела поранешна Југославија играв, се дружев, освојував трофеи. Не дозволив тие ситуации да не оддалечат, бидејќи на крајот, спортистите не беа виновни за тоа. Исто така немав потреба да го докажувам патриотизмот на таков начин и да бидам примитивец“, вели црногорската фудбалска легенда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.