Спорт
Милан со прва домашна победа во ЛШ од 2013, Шахтјор и Селтик со реми
Милан стигна до 3:1 победа над Динамо Загреб, за петта меѓусебна победа во пет дуели во Европа против хрватскиот тим, и во исто време ја забележа првата домашна победа во европското елитно натпреварување од септември 2013 година. Во Варшава, пак, украинскиот Шахтјор Доњецк одигра 1:1 против шкотскиот Селтик.
„Росонерите“ се мачеа да го скршат отпорот на „модрите“ кои во првото коло од ЛШ го шокираа Челси со 1:0, и стигнаа до водство во 45. минута од мечот, кога беше досуден пенал, а Оливие Жиру не згреши од белата точка. На стартот на второто полувреме, тие бргу го удвоија водството во 47. минута, кога Рафаел Леао фантастично го проигра Алексис Салемакерс за 2:0.
Динамо врати во 56. минута, кога Бруно Петковиќ со прекрасна асистенција го најде Мислав Оршиќ за 2:1, но Милан ја врати рамнотежата во 77. минута со голот на Томасо Побега. Ова е прв триумф на Милан на „Сан Сиро“ во ЛШ од 2:0 триумфот над Селтик во септември 2013 година.
Во Варшава, Селтик дојдоа до рано водство во 10. минута со автоголот на Бондаренко, но Шахтјор врати во 29. минута преку Михајло Мудрик.
ЛИГА НА ШАМПИОНИ
ГРУПА Е
Милан – Динамо Загреб 3:1
Челси – Ред бул Салцбург 21.00 ч.
ГРУПА Ф
Шахтјор Доњецк – Селтик 1:1
Реал Мадрид – РБ Лајцпиг 21.00 ч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024