Њукасл јунајтед ќе бидат активни на трансфер пазарот во зимскиот преоден рок. На тимот му се потребни засилувања за да избори опстанок во Премиер лигата. Со доаѓањето на новите газди многу имиња се поврзуваат со клубот од „Сент Џејмс парк“.

Права мета на Њукасл е напаѓачот на Евертон, Доминик Калверт-Луин. Челниците на Њукасл ги започнале преговорите со колегите од „Гудисон парк“.

Англискиот репрезентативец има договор со Евертон до 2025 година. Неговата вредност, според „Трансфермаркт“ изнесува 45 милиони евра. Медиумите на Островот тврдат дека Њукасл биле подготвени да понудат помеѓу 80 и 90 милиони евра.

Покрај Калверт-Луин, Њукасл во јануари, планира да донесе и двајца играчи на Барселона, Усман Дембеле и Фелипе Кутињо.

Челси скапо ја платија убедливата победа над Малме (4:0), во Лигата на шампионите. Натпреварот со шампионот на Шведска пред време го завршија Ромалу Лукаку и Тимо Вернер.

Лукаку со повреда на зглобот, теренот го напушти во 23.минта, а Вернер го повреди бутниот мускул во финишот на полувремето.

„Мислам дека наредните денови нема да тренираат. Колку долго не знам. Тоа е лошо. бидејќи се во добра форма, креираат шанси, постигнуваат голови, а пред нас има многу натпревари. Ќе мора да најдеме решение. Сега ќе мора оние кои ќе чекаат шанса да ги преземат главните улоги“, рекол менаџерот Томас Тухел.

Челси во наредната рунда, во Премиер лигата, ќе игра против Норич.

Фудбалската репрезентација на Македонија остана на 74.место на ФИФА листата. Македонија, во октомври одигра два натпревари во квалификациите за пласман на Светското првенство, забележа победа и пораз. Од противниците со кои Македонија се бор за место на Мундијалот, на ФИФА листата, напредуваа Германија и Романија, назадуваа Исланд и Лихтенштајн, додека Ерменија остана на местото на кое беше и во септември.

Според октомвриската листа на ФИФА, пред Македонија се Германија 12 (+2), Романија 41 (+1) и Исланд 62 (-1), позади се Ерменија 89, Лихтенштајн 190.

На врвот на листата нема промени. Белгија е прва и покрај тоа што на завршниот турнир во Лигата на нации доживеа два порази. Бразил е втор, а Франција и Италија ја скокнаа Англија, која сега се наоѓа на петтото место.

Фото/ffm.mk