Милвоки Бакс го добија дуелот на двете најдобри екипи во Источната конференција, Леброн Џејмс ги предводеше ЛА Лејкерс до победата на Њу Орлеанс Пеликанс, Зек Лавин постигна 41 поен за Чикаго во поразот од Оклахома, додека Џејсон Тејтум одигра уште еден брилијантен меч и беше назаслужниот за победата на Бостон Селтикс над Портланд Трејлблејзерс.

Најдобриот тим во лигата, Милвоки Бакс, гостуваа кај актуелните шампини Торонто Репторс. Демонстрираа тимска игра и забележаа победа 108:97.

Крис Мидлтон постигна 22 поени, Јанис Адетокумбо забележа 18 поени и 17 скока, а Ерик Бледсо имаше 15 поени и седум асистенции.

ЛА Лејекрс иако водеа во текот на целиот меч мораа да се помачат против младите играчи на Њу Орлеанс за да забележат победа. „Езерџиите“ славеа со 118:109. Лебдон Џејмс постигна најмногу поени на еден меч од почетокот на сезоната и го предводеше својот тим, кога веќе не ја доби вистинската помош од Ентони Дејвис кој погоди само шест пати од 21 обид од поле.

Џејмс забележа 40 поени, осум скока и шест асистенции, Дејвис забележа 21 поен и 14 скока.

Пеликанс ги предводеше поранешниот играч на Лејкерс Брендон Инграм со 34 поени, додека првиот пик од драфтот Зајон Вилијамсон уфрли 29 поени.

Бостон Селтикс славеа во Портланд со 118:106. Уште еден брилијантен натпревар одигра Џејсон Тејтум. Откако пред три дена против Лејкерс постигна 41 поен, крилниот играч на Бостон на Портланд им уфрли 36 поени. Кај Портланд се истакна Си Џеј Мекалум со 28 поени и 10 асистенции.

Чикаго загубија од Оклахома 122:124. Биковите во еден дел од натпреварот имаа негатива од 20 поени меѓутоа преку Зек Лавин и Коби Вајт се вратија во мечот дури и имаа шут за победа меѓутоа Лавин не успеа да постигне тројка.

Данило Галинари со 24 поени, односно Шеј Гилџус-Александер со 21 поен и 11 скокови ја предводеа Оклахома. Кај Булс се истакнаа Лавин со 41 поен и дебитантот Вајт со 35 поени.

Вајт на последните три натпревари постигнува најмалку 30 поени.

Резултати:

Индијана-Шарлот 119:80
Денвер-Детроит 115:98
Голден стејт-Сакраменто 94:112

Барселона синоќа извлече поволен резултат на „Сан Паоло“ против Наполи (1:1), во првиот осмина-финален натпревар во Лигата на шампионите.

Антоан Гризман во 57 минута ја заврши школската акција на соиграчите Меси и Семедо. Резултатот за Барса е поволен но реваншот нема да биде лесен за Каталонците. Тренерот Кике Сетиен на располагање ќе има само тројца играчи во редот за врска (Ракитиќ, Артур и Де Јонг) бидејќи Серхио Бускет поради жолти картони е суспендиран, а Артуро Видал против Наполи доби црвен картон.

Против Наполи сигурно ќе ги нема Усман Дембеле, Луис Суарез и Серхи Роберто, а неизвесен е и настапот на Жорди Алба. За повредата на Џерар Пике клубот дополнително ќе се огласи.

Проблемите со недоволната широчина на ростерот по мечот со Наполи ја критикувале Бускетс и Ракитиќ.

„За жал, немам широк избор на играчи. Но така е планирано“, рекол Бускет чии зборови се упатени кон челниците на клубот.

„Така е одговорните го знаат ова. Ситуацијата е таква каква што е. Ние останатите ќе треба да се обединиме бидејќи реваншот е важен за нас“, ја поддржал изјавата на Бускетс, Иван Ракитиќ.

Барса и Наполи реваншот ќе го одиграат на 18 март.

НБА-ѕвездата Стеф Кари во ноќта помеѓу недела и понеделник ќе се врати во составот на Голден стејт вориорс.

Голден стејт сезонава има забележано само 12 победи и се наоѓа на последното место во НБА. За ваквиот резултат „најзаслужни“ се повредите на двајцата главни играчи, Клеј Томпсон и Стеф Кари.

Кари ја повреди дланката на левата рака на 30 октомври. По две операции и пауза од четири месеци тој доби дозвола од лекарите да се врати на кошаркарските терени.

Стеф во тимот на Голден стејт ќе се врати на натпреварот со Вашингтон визардс, кој ќе се одигра во Сан Франциско.

Еден од најдобрите шутери во историјата на НБА-лигата во кариерата има освоено три шампионски прстени со Вориорс.